Lukas 22:43 - Porjanjian Boharu Torjomahan Baso Dilakng Soari-ari

⁴³ Siku' molekat datakng ko Sio, monguat'an-Nyo.

Lukas 22:43 ပူးပေါင်းရင်းမြစ်များ

Matius 26:53

Pasti aman Aku minto ko Bopai-Ku, Sio paca'an hagarmo mongiripan lobih doi' duo bolas pasukan tontara molekat pakai' monulukng Aku.

Matius 4:11

Pas, Rajo Sitatn moninggalan Yesus. Ongko boko molekat datakng molayati Sio.

Matius 4:6

Io bopandir ko Yesus, “Aman Duatn bondar-bondar Ana' Allah, molansakngcam doi' si'itn ko babah! Obai ado pomandiran Allah inyo ditulis dalapm Buku Suci, ‘Allah paca'an monyiuh boko molekat-Nyo molinduki Duatn. Sia' paca'an monantaian jari sia' oca' kaki Duatn co moninggakng batu!’ ”

Lukas 22:32

Apo Aku udah bodoa pakai' kolai, Simon, oca' kolai totap pocayo ko Aku. Watu kolai bobali' sotia agatn Aku, kolai gola' monguat'an iman boko somadikan kolai, ia'an boko murid-Ku.”

Kisah Boko Rasul 14:22

Di boko kota nantai, Paulus ongko Barnabas monguat'an hati boko urakng pocayo. Sia' duo moanjuran boko urakng nantai oca' totap pocayo agatn yakitn ko Yesus. Sia' bopandir, “Kito gola' moalapi kotakan banya' ajab sonsaro, oca' kito ulih hidup sonang dalapm Koraja'an Allah.”

Kisah Boko Rasul 18:23

Io pan monotap cukup manah di su'utn. Ongko, io botula' monjongu' agi' boko urakng pocayo di propinsi Galatia huatan Frigia. Io monulukng oca' boko somadikan nantai pocayo ko Yesus agatn lobih yakitn.

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”

Ibrani 1:14

Apo boko molekat ia'an boko roh inyo molayati Allah. Sia' diutus pakai' monulukng boko urakng inyo tajahan monorima' kosolamant'an.

Ibrani 1:6

Apo watu, Allah moutus Ana'-Nyo inyo kojula'an ko dunia ni'in, Allah bopandir, “Somuo molekat Allah gola' monyombah Io.”

Ibrani 2:17

Nantaiam alasannyo, Yesus gola' monjadi monsio dalapm somuo hal, samo sama'an kito boko somadikan-Nyo. Agatn sama'an nantai, Sio monjadi Imam Agukng inyo monunju'an bolas kasihan ongko hala sotia ko Allah oca' dosa monsio ulih diamputi.