Lukas 22:38 - Porjanjian Boharu Torjomahan Baso Dilakng Soari-ari

³⁸ Sia' bopandir, “Tuhatn, di si'itn ado duo bilah podakng.” Yesus bopandir, “Jadiam!”

Lukas 22:38 ပူးပေါင်းရင်းမြစ်များ

Matius 26:51

Salah siku' inyo bosamo Yesus moncabut podakng, lansukng monyorakng siku' hulutn doi' Imam Agukng. Io monota' kolindakan hulutn nantai sampai pogat.

Lukas 22:36

“Apo ni'in udah bukainyo,” kato-Nyo. “Urakng inyo bisi dompet, bisi bokal, gola' mombaba'nyo. Urakng inyo kinyo bisi podakng, gola' monjual jubah pakai' mombolinyo.

Lukas 22:49

Timpu boko murid-Nyo udah tohu la'apo inyo paca'an tojadi, sia' botakutn ko Yesus, “Tuhatn, ulihmo koi monyorakng sia' pakai' podakng?”

Yohanes 18:36

Timbas Yesus, “Koraja'an-Ku kinyo boasal doi' dunia ni'in. Soandainyo Koraja'an-Ku doi' dunia ni'in, jadi boko urakng inyo molayati Aku udah bojuakng oca' Aku co disorahan ko boko pomimpitn Yahudi. Apo memang Koraja'an-Ku bukainyo doi' dunia ni'in!”

1 Tesalonika 5:8

Kito hidup di dalapm torakng. Obai nantai am, kito gola' bososiap agatn bojago-jago huatan molinduki diri. Kito gola' hala molinduki diri agatn totap hala pocayo ko Yesus, hala mongasihi, huatan bondar-bondar moharap'an Yesus inyo monyolamant'an kito. Boko hal nantai samo sama'an baju bosi huatan tokulu' bosi molinduki bukakng-tubuh siku' urakng projurit.

1 Petrus 5:9

Jadi, kaitn gola' totap pocayo kokuat pakai' molawatn Rajo Sitatn nantai. Obai, kaitn tohu obai boko somadikan soiman di soluruh dunia mondorita' jam samo sama'an kaitn jam.