Lukas 22:37 - Porjanjian Boharu Torjomahan Baso Dilakng Soari-ari

³⁷ Obai la'apo inyo udah ditulis dalapm Buku Suci mongonaꞌi Aku gola' tojadi: ‘Io paca'an dianggap samo agatn ponjahat.’ Hal nantai tongahannyo labuham ni'in!”

Lukas 22:37 ပူးပေါင်းရင်းမြစ်များ

2 Korintus 5:21

Kristus kinyo bodosa, apo Allah bulah Sio monanggukng hukupan dosa kito. Allah molabuhan nantai oca' di dalapm Kristus, kito ulih monjadi bondar di hadapan Allah.

Lukas 23:32

Ado duo urakng bukai inyo dibaba' pakai' dihukupm mati bonsamo agatn Yesus. Koduo urakng nantai ponjahat.

Galatia 3:13

Sobondarnyo, kito somuo gola' dihukupm obai kito kinyo hala ulih monaati somuo porintah huatan poraturan Allah inyo ditulis Musa dalapm buku Hukupm Torat. Apo Kristus monyolamant'an kito doi' hukupan nantai. Sio inyo monanggukng hukupan nantai pakai' kito. Watu Sio mati di kayu salib. Obai ado totulis dalapm Buku Suci, “Urakng inyo dipaku di kayu salib ia'an urakng inyo dihukupm Allah.”

Yohanes 17:4

Aku udah monjadi'i pogota'an di dunia ni'in inyo Duatn onju' ko aku. Agatn caro nantai, Aku momuliaan Duatn.

Yohanes 10:35

Kito tohu obai la'apo inyo totulis dalapm Buku Suci nantai culih dibalakan. Jadi, aman sia' inyo monorima' pomandiran Allah nantai disobut boko allah,

Lukas 18:31

Yesus moningkau koduo bolas rasul oca' bokumpul di tompat husus agatn Sio. Ongko bopandir, “Dinga'anbo! Kito molajuan pojalatan kito agi' monuju kota Yerusalem. Di su'utn, tajahan tojadi sosuai agatn la'apo inyo holu udah ditulis boko nabi mongonaꞌi Ana' Monsio.

Lukas 22:22

Ana' Monsio memang tajahan mati sosuai agatn caro inyo udah ditontuan Allah. Apo Allah tajahan mohukupm urakng inyo monyorahan-Nyo!”

Markus 15:27

Bosamo agatn Yesus, sia' pan monyaliban duo urakng ponyamun, inyo siku' di sopia' kanan-Nyo ongko inyo siku' agi' di sopia' kiba'-Nyo. [

Lukas 22:36

“Apo ni'in udah bukainyo,” kato-Nyo. “Urakng inyo bisi dompet, bisi bokal, gola' mombaba'nyo. Urakng inyo kinyo bisi podakng, gola' monjual jubah pakai' mombolinyo.

Lukas 22:52

Lopas nian Yesus bopandir ko boko imam kopala' huatan boko powira pongawal Rumah Allah, ongko boko pomimpitn Yahudi inyo datakng ko santai pakai' monangkap Sio. Kato Sio, “Aku ni'in bukainyo ponjahat, jadi kaitn padohan mombaba' podakng ongko boko pompangkukng pakai' monangkap Aku.

Lukas 24:27

Lalu Yesus monjolasan ko sia' somuo inyo totulis mongonaꞌi Sio dalapm soluruh Buku Suci, mula'i doi' boko buku inyo ditulis Musa sampai somuo buku inyo ditulis boko nabi bukainyo.

Markus 15:28

Agatn sama'an nantai, pomandiran ni'in dalapm Buku Suci monjadi nyata: “Io dianggap siku' doi' boko urakng inyo jahat.”]