Lukas 22:36 - Porjanjian Boharu Torjomahan Baso Dilakng Soari-ari

³⁶ “Apo ni'in udah bukainyo,” kato-Nyo. “Urakng inyo bisi dompet, bisi bokal, gola' mombaba'nyo. Urakng inyo kinyo bisi podakng, gola' monjual jubah pakai' mombolinyo.

Lukas 22:36 ပူးပေါင်းရင်းမြစ်များ

Matius 10:10

Jangan mombaba' tas pobokalan, pakai'an posalitn, sandal ponggonti, damo tungkah. Jangan dibaba' somuo nantai obai sotiap urakng bokorojo totap mondapat pomakatn.

Lukas 22:35

Ongko Yesus bopandir ko somuo rasul-Nyo, “Ingant'icam watu Aku moutus kaitn komai pakai' momboritoan mongonaꞌi Koraja'an Allah. Kaitn culih mombaba' dompet, bokal, sandal ponggonti. Timpu nantai, ado cado kokurakan kaitn?” Sia' monimbas, “Conyiant!”

Lukas 22:37

Obai la'apo inyo udah ditulis dalapm Buku Suci mongonaꞌi Aku gola' tojadi: ‘Io paca'an dianggap samo agatn ponjahat.’ Hal nantai tongahannyo labuham ni'in!”

Lukas 22:38

Sia' bopandir, “Tuhatn, di si'itn ado duo bilah podakng.” Yesus bopandir, “Jadiam!”

Yohanes 15:20

Ingantcam pomandiran-Ku ni'in ko kaitn komai: Siku' urakng hulutn kinyo lobih pontikng doi' habakngnyo. Aman sia' udah mondorako'i Aku, jadi sia' pan paca'an mondorako'i kaitn. Apo aman sia' monuruti pomandiran-Ku, jadi sia' pan paca'an monuruti pomandiran kaitn.

Yohanes 16:33

Aku momadahan somuonyo nantai ko kaitn oca' hati kaitn ado sonang-asau obai kaitn bosatu agatn Aku. Kaitn paca'an mondorita' di dunia ni'in. Apo, pontokuhancam hati kaitn! Aku udah mongalahan kuaso di dunia ni'in!”

1 Tesalonika 3:4

Komai, watu koi ija' bosamo agatn kaitn, koi udah opat momadahan obai kito inyo pocayo paca'an didorako'i sama'an nantai. Kaitn tohu pomandiran nantai bondar obai hal nantai udah tojadi.

1 Petrus 4:1

Obai Kristus udah mondorita' socaro jasmani, jadi kaitn pan gola' monguat'an diri kaitn agatn pikiran obai kaitn tajahan mondorita' samo sama'an Sio jam. Obai, urakng inyo mondorita' socaro jasmani, io udah botongga'am bulah dosa.