Lukas 22:33 - Porjanjian Boharu Torjomahan Baso Dilakng Soari-ari

³³ Petrus monimbas, “Tuhatn, aku udah siap tamo ponjara sosamo agatn Duatn! Biar pan sampai aku mati sosamo agatn Duatn, aku udah siap!”

Lukas 22:33 ပူးပေါင်းရင်းမြစ်များ

Matius 20:22

Timbas Yesus ko sia'. Kato-Nyo, “Kaitn co tohu la'apo inyo kaitn minto. Sobontar agi', Aku paca'an ajab sonsaro. Kata'an kaitn sanggup ajab sonsaro samo sama'an Aku ai?” Kato sia' ko Sio, “Au, koi duo sanggupmo.”

Markus 14:29

Kato Petrus ko Yesus, “Mungkitn somuo sia' paca'an moninggalan Duatn, apo aku cado!”

Markus 14:31

Apo Petrus lobih togas bopandir, “Biar pan aku sampai mati bosamo Duatn, aku kinyo paca'an monyangkal Duatn.” Somuo murid inyo bukai bopandir sama'an nantai jam.

Lukas 22:34

Apo Yesus bopandir, “Dinga'anbo, Petrus! Watu malapm ni'in jam kolai tajahan monyangkal Aku sampai tigo kali sobolupm manu' bokuku'.”

Lukas 22:57

Apo Petrus monyangkal. Kato io, “Bukai! Aku co konal agatn Sio!”

Yohanes 13:38

Timbas Yesus, “Bobondar? Kolai siap mati pakai' Aku? Pondinga'an bobondar cam la'apo inyo Ku pandiran ni'in: Kolai paca'an monyangkal Aku sampai tigo kali sobolupm manu' bokuku'.”

Kisah Boko Rasul 21:13

Apo Paulus monimbas, “Jangan kaitn monangis, obai nantai bulah hatiku salu'! Aku udah siap ditangkap di Yerusalem. Malahan, aku udah siap mati sobagai murid Tuhatn Yesus.”