Lukas 22:27 - Porjanjian Boharu Torjomahan Baso Dilakng Soari-ari

²⁷ Cubo pikiran sopo inyo lobih pontikng; urakng inyo dudu' makatn damo inyo molayatinyo. Pasti urakng inyo dudu' inyo lobih pontikng. Apo somanah Aku bosamo agatn kaitn, Aku pan molayati kaitn.

Lukas 22:27 ပူးပေါင်းရင်းမြစ်များ

Matius 20:28

Kaitn gola' tuyut toladatn Ana' Monsio. Sio datakng ko dunia ni'in bukainyo pakai' dilayati boko urakng, apo pakai' molayati boko urakng bukai. Sio paca'an monyorahan diri sampai mati. Agatn caro nantai, Sio monobus dosa urakng banya'.”

Lukas 12:37

Boko hulutn inyo siap paca'an sonang-nyaman, biar pan habakngnyo datakng tinggi malapm damo holapm sunsukng. Habakngnyo tajahan sonang agatn sia' obai sia' hala siap monanti kodatakannyo. Dinga'anbo ni'in: Habakng nantai paca'an monggonti pakai'annyo pakai' molayati sia'. Io tajahan monyiuh sia' pakai' dudu' makatn. Lalu io tajahan molayati sia'.

2 Korintus 8:9

Kaitn pan mongotohu'i obai Tuhatn kito, Yesus Kristus, monunju'an koboi'an-Nyo ko kaitn. Ia'an nantai, Sio moninggalan kodampuan-Nyo di sorugo lalu monjadi jaro. Sio monjadi jaro oca' kaitn ulih monjadi dampu agatn banya' borokat doi' Allah.