Lukas 21:8 - Porjanjian Boharu Torjomahan Baso Dilakng Soari-ari

⁸ Yesus bopandir, “Boboi'cam! Jangan sampai kaitn dikotumbuki mongonaꞌi watu Aku bobali'. Banyaꞌ urakng paca'an datakng inyo mongaku' ubonyo io nantai Aku. Sia' paca'an bopandir, ‘Aku ni'inam Rajo Inyo Dijanjian Allah! Watu ni'in udah ahir joman!’ Jangan sampai kaitn pocayo ongko monjadi pongikut sia'.

Lukas 21:8 ပူးပေါင်းရင်းမြစ်များ

1 Yohanes 4:1

Boko somadikanku inyo tokasih, udah ado banya' nabi palsu di dunia ni'in. Obai nantaiam, jangannam pocayo agatn somuo urakng inyo mongatoan obai Roh Allah ado di inyo. Apo poriso'icam lobih holu ajaran sia' nantai pakai' mongotohu'i aman roh inyo ado di inyo boasal doi' Allah kata'an cado.

2 Tesalonika 2:3

Jangan kaitn pocayo huatan sampai disosatan ulih sopo pan agatn caro la'apo pan. Obai, sobolupm Yesus datakng, paca'an ado watunyo di mono banya' urakng monula' Allah. Ongko, Siku' urakng Rajo inyo jahat paca'an datakng. Yesus paca'an mombonasoan io.

Efesus 5:6

Jangan totipu aman ado urakng inyo monyampaian ajaran inyo bukainyo doi' nantai. Pomandirannyo kinyo bondar. Obai, pastiam Allah paca'an mohukupm boko urakng inyo molabuhan somuo macapm porbuatan jahat nantai, ia'an boko urakng inyo kinyo taat ko Sio.

Matius 24:11

Banya' nabi palsu paca'an datakng huatan monyosat'an urakng banya'.

2 Timotius 3:13

Sodakan boko urakng jahat huatan boko urakng inyo hala tumbukan, sia' paca'an mongkitn jahat. Sia' monyosat'an urakng bukai. Urakng bukai pan monyosat'an sia'.

2 Yohanes 1:7

Aku momadahan somuonyo nantai obai, di mono-mono di dunia ni'in udah ado banya' boko urakng inyo moajaran boko hal inyo salah. Sia' co pocayo obai Yesus Kristus udah datakam ko dunia ni'in monjadi monsio. Urakng ubo nantaiam musuh Kristus inyo hala monyosat'an monsio.

Wahyu 12:9

(Nago bosar nantai ia'an ular inyo monipu doi' joman komai. Io jam disobut Si Iblis damo Rajo Sitatn. Io inyo monipu somuo urakng di dunia.) Io ditikapan ko bumi bososamo agatn somuo molekatnyo.

Matius 4:17

Doi' watu nantai, Yesus mula'i momboritoan. Kato Sio, “Koraja'an Sorugo udah dampikam! Jadi, botongga'cam kaitn bulah dosa ongko monyonangan Allah.”

Wahyu 1:3

Diborokati urakng inyo mombaco huatan inyo mondinga'an boko posatn doi' Allah ni'in. Diborokati somuo urakng inyo monuruti boko hal inyo ditulis di dalapmnyo. Obai, watunyo co manah agi' somuonyo ni'in paca'an tojadi.

Yohanes 8:24

Nantai sobabnyo Aku bopandir ko kaitn obai kaitn paca'an mati di dalapm boko dosa kaitn. Obai, aman kaitn co pocayo Aku ninam Sio Inyo Ado, jadi kaitn paca'an mati di dalapm dosa kaitn.”

Yohanes 5:43

Aku datakng dalapm damo Bopai-Ku, apo kaitn monula' Ku. Padohal, soandainyo ado urakng bukai inyo datakng bayo mowakili dirinyo siku', kaitn tajahan monorima' io.

Matius 3:2

“Koraja'an Sorugo udah dampikam! Jadi, botongga'cam kaitn bulah dosa ongko kaitn monyonangan hati Allah.”

Lukas 21:7

Sia' botakutn ko Yesus, “Guru, sombilo kiro boko hal nantai tajahan tojadi? La'apo boko tando inyo ado sobolupmnyo?”

Lukas 21:9

Aman kaitn mondingaꞌ poparakan huatan pomborontakan, jangan gola' obai somuonyo nantai gola' tojadi sobolupm dunia tajahan boahir sosuai hajat Allah. Apo nantai kinyo boroti dunia paca'an boahir dalapm watu inyo dampikam.

Yohanes 8:28

Jadi, Yesus bopandir, “Watu kaitn moninggian ‘Ana' Monsio’, kaitn paca'an tohu obai Aku nanam Sio Inyo Ado nantai. Kaitn paca'an tohu jam obai Aku co bulah la'apo doi' kohonda' diri-Ku siku'. Aku bayo mongatoan lapo inyo diajaran Bopai ko aku.

1 Korintus 6:9

Kaitn gola' tohu boko urakng inyo co hidup bujur bondar di hadapan Allah, sia' co paca'an bodapat bagian dalapm Koraja'an Allah! Kaitn gola' sobondarannyo yakitn boko hal ni'in. Boko urakng inyo pombontina', boko urakng inyo monyombah lompatukng, boko urakng inyo bomporajoan, boko urakng inyo bokohonda'an agatn sosamo jonis,