Lukas 21:24 - Porjanjian Boharu Torjomahan Baso Dilakng Soari-ari

²⁴ Ado inyo paca'an dibunuh agatn podakng. Ado jam inyo tajahan ditangkap ongko dibaba' ko boko nogori bukai, monjadi tahatan di su'utn. Boko banso inyo bukainyo Yahudi tajahan monguaso'i tanah kota Yerusalem sampai watunyo inyo udah ditontuan Allah.”

Lukas 21:24 ပူးပေါင်းရင်းမြစ်များ

Lukas 21:25

“Nononyo paca'an ado boko tando di matoari, bulatn, boko bintakng di langit inyo monunju'an dunia ni'in tajahan boahir. Di bumi boko urakng monjadi kotakng gola', monjadi putus asa obai loutnyo tajahan boguruh bogura', tajahan bogolumbakng bosar.

Roma 11:25

Boko somadikan! Oca' kaitn kinyo bopikir kaitn udah mongotohu'i boko la'apo pan, jadi aku honda' momadahannyo ko kaitn mongona'i hajat Allah ni'in inyo komai kinyo dikotohu'i monsio: Sobagi'an banso Israel udah monjadi korikng hati, kinyo honda' pocayo agatn Yesus. Apo, koadaan ni'in bayo sampai jumlah monsio doi' banso bukai udah datakng ko Allah, ia'an nantai jumlah inyo udah ditontuan-Nyo.

Ibrani 11:34

Ado inyo suba' solamant doi' api inyo kotakng honggur. Ado inyo udah lopas doi' urakng inyo honda' mombunuh sia'. Sia' lomah, apo monjadi kuat. Sia' monjadi kuat dalapm boparakng sampai sia' ulih mongalahan boko tontara banso asikng.

Wahyu 11:2

Apo jangan moukur tongahlamanan Rumah Allah inyo di sopia' luar. Obai, tongahlamanan nantai udah dionju' ko boko banso bukai. Sia' paca'an monguaso'i Kota Inyo Suci nantai somanah ompat puluh duo bulatn.