Lukas 21:23 - Porjanjian Boharu Torjomahan Baso Dilakng Soari-ari

²³ Kosi'ai boko botina' inyo tongahan buntikan damo ija' monyusu'i boko bobia' kocit timpu nantai. Boko urakng di tanah Israel ni'in tajahan kotakng ajab sonsaro obai Allah paca'an mohukupm sia'.

Lukas 21:23 ပူးပေါင်းရင်းမြစ်များ

Matius 21:16

Boko imam kopala' ongko boko guru nantai bopandir ko Yesus, “Duatn mondinga' la'apo inyo dipandiran boko bobia' ni'in?” Kato Yesus ko sia', “Au, Aku mondinga' mo. Apo pasti kaitn kalo mombaco pomandiran ni'in di Buku Suci: ‘Duatn udah bulah oca' boko bobia' muda' ongko boko bobia' kocit momuji Duatn.’ ”

Matius 21:41

Timbas sia' ko io, “Pasti urakng umputn kobutn nantai paca'an mombunuh boko urakng jahat nantai. Lalu io paca'an monyewaan kobutn anggur nantai ko boko potani inyo honda' moonji'i pombagian hasil kobutn ko io udah watunyo.”

Matius 21:44

Batu nantai paca'an mohancuran sotiap urakng inyo jatu' di pucu'nyo, huatan moropu'an sotiap urakng inyo ditinggakngnyo.”]

Matius 24:19

Kasih bondar boko botina' inyo tongahan buntikan damo ija' monyusu'i bobia' watu nantai.

Markus 13:17

Kotakng salu' boko botina' inyo tongahan buntikan ongko inyo ija' monyusu'i watu nantai.

Lukas 19:27

Nah, ni'in mongonaꞌi boko musuhku nantai inyo kinyo honda' aku monjadi rajonyo. Baba'cam sia' ko si'itn. Bunuh somuonyo di hadapanku!’ ”

Lukas 19:43

Kaitn co mongotohu'i watu Allah datakng pakai' monyolamant'an kaitn. Jadi, paca'an datakng watunyo di mono musuh kaitn tajahan mongopukng kota kaitn, bulah rintakan di sokolilikng kaitn. Sia' paca'an hala monyorakng kaitn doi' somuo arah. Sia' tajahan mohancuran kota kaitn, somuo batu tembok huatan batu bangunan paca'an diruntuhan. Somuo pondudu' paca'an dibunuh.”

Lukas 23:29

Obai tajahan hagar datakng watunyo urakng tajahan ajab sonsaro kotakng banyaꞌ sampai bopandir, ‘Lobih boi' pakai' boko botina' inyo co boana', kinyo kalo molahiran, kinyo kalo monyusu'i ana'!’

1 Korintus 7:26

Obai nantai watu ajab sonsaro paca'an hagar datakng, pondapatku ia'an sotiap urakngsoboi'nyo hidup dalapm Koadaannyo sokarakng ni'in.

1 Tesalonika 2:16

obai sia' bousaha monongga'an koi oca' co momboritoan Kabar Boi' ko urakng inyo bukainyo urakng Yahudi. Sia' kinyo honda' kaitn inyo bukainyo urakng Yahudi disolamant'an! Agatn boko porbuatan nantai, sia' torus-monorus monambah dosa sia' udah langkukng-lalu ongko. Ni'in, koponsuahannyo Allah pan godi. Pasti sia' paca'an dihukupm kotakng borat.

Ibrani 13:16

Jangan kolupatn bulah koboi'an ongko monulukng urakng bukai, obai boko hal nantai samo sama'an kurbatn posombahan jam inyo monyonangan hati Allah.

Yakobus 5:1

Pondinga'an ni'in, boko urakng dampu. Kaitn gola' monangis huatan monyosal. Obai nononyo, kaitn paca'an sonsaro.

1 Petrus 4:17

Ni'in, udah tuntukam watu Allah mohakipi somuo urakng. Sio mula'i agatn kito, ia'an boko urakng husus umputn Sio siku'. Aman ubo nantai, lapo inyo tajahan tojadi ko boko urakng inyo co pocayo Kabar Boi' doi' Allah? Pasti sia' pan paca'an dihukupm.