Lukas 21:10 - Porjanjian Boharu Torjomahan Baso Dilakng Soari-ari

¹⁰ Nononyo banso paca'an boparakng molawatn banso bukainyo. Nogori molawatn nogori bukainyo.

Lukas 21:10 ပူးပေါင်းရင်းမြစ်များ

Markus 13:8

Banso tajahan boparakng molawatn banso inyo bukai. Negara molawatn negara inyo bukai. Di mono-mono tajahan ado kolaparan huatan gompa bumi. Apo somuo hal nantai bayo pomula'an doi' somuo ajab sonsaro inyo tajahan tojadi. Samo sama'an indai inyo buntikan mooso podih watu mohidap-porut honda' boana'an.

Ibrani 12:27

Pomandiran ‘sokali agi'’ monunju'an obai soluruh dunia inyo udah dipulah tajahan diguncakng sampai lolo. Agatn sama'an nian, tajahan tinggal bayo boko hal inyo kinyo ulih toguncakng.

Kisah Boko Rasul 11:28

Salah siku' doi' sia' bodamo Agabus. Timpu, io bodiritn dalapm potomuan boko urakng pocayo. Roh Allah ado momonuhi io. Ongko io boposatn mongona'i lapar-barau inyo paca'an tojadi di soluruh doerah Israel. (Lapar-barau nantai bondar-bondar tojadi watu Klaudius nantai monjadi Kaisar negara Roma).

Lukas 21:9

Aman kaitn mondingaꞌ poparakan huatan pomborontakan, jangan gola' obai somuonyo nantai gola' tojadi sobolupm dunia tajahan boahir sosuai hajat Allah. Apo nantai kinyo boroti dunia paca'an boahir dalapm watu inyo dampikam.

Lukas 21:11

Di mono-mono tajahan ado gompa bumi inyo bosar, lapar-barau, poranggapan rayo. Lalupan paca'an ado boko hal inyo bogola'i. Boko urakng paca'an topogola' moniant boko tando di langit inyo monunju'an dunia ni'in paca'an boahir.