Lukas 20:47 - Porjanjian Boharu Torjomahan Baso Dilakng Soari-ari

⁴⁷ Sia' mongolakari boko botina' balu pakai' mondapat'an boko kodampuan sia', sampai rumah sia' pan dikuti'. Sia' moucap'an doa inyo bokopanjakan, apo nantai bayo pompadah boi' ja'am. Obai somuo porangai sia' inyo jahat nantai, Allah pasti tajahan mohukupm sia' lobih borat doi' urakng bukai.”

Lukas 20:47 ပူးပေါင်းရင်းမြစ်များ

Matius 23:13

“Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' apo hati kaitn jahat. Kaitn mohalaki urakng pakai' mansu' monjadi anggota koluarga Koraja'an Sorugo. Kaitn siku' co honda' mansu'. Apo, kaitn mohalaki boko urakng inyo bousaha mansu'. [

Matius 23:14

Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' ja'. Kaitn monipu boko botina'-balu pakai' mondapat'an kodampuan sia'. Sampai rumah sia' pan kaitn kuti'. Kaitn moucap'an doa inyo panjakng-panjakng, apo nantai bayo pompadah ja'am. Obai nantaiam, Allah pasti paca'an mohukupm kaitn lobih borat doi' urakng bukai.]

Markus 12:40

Sia' monipu boko botina' balu ongko morampas rumah sia'. Sia' moucap'an doa inyo kotakng panjakng, apo nantai bayo pompadah mo. Obai somuo porbuatan sia' inyo jahat nantai, Allah pasti tajahan mohukupm sia' lobih borat!”

Lukas 12:1

Timpu Yesus botula' doi' rumah urakng Farisi nantai, banyaꞌ bondar urakng bokumpul. Obai sia' kotakng banyaꞌ sampai ado inyo totonja'an kaki siku'-monyiku' obai honda' mondingaꞌ Yesus mongajar. Yesus lobih doholu bopandir ko boko murid-Nyo, “Jagocam diri kaitn oca' co monjadi urakng pompadah boi' samaꞌan pomimpitn agama doi' kolompok Farisi. Kotiat'annyo sia' molayati Allah, apo sobondarnyo cado. Kojahatan sia' mongkitn banyaꞌ, mompongaruhi urakng bukai samaꞌan ragi bulah roti mongkitn mongombakng.

Lukas 20:46

“Boboi'cam oca' kaitn jangan sonjumpat'an porangai boko guru agama Yahudi. Sia' gala' hala bojalatn momakai jubah inyo panjakng oca' sia' kotiat'an pontikng. Sia' gala' dihormati di pasar. Sia' gala' dudu' di tompat inyo kotakng tohormat di rumah sombayakng, makatn di tompat inyo kotakng tohormat di pogai.

Lukas 21:1

Yesus borotian boko urakng dampu monamoan duit posombahan ko dalapm tompat posombahan di tongahlamanan Rumah Allah.

1 Tesalonika 2:5

Kaitn udah tohu koi co kalo bopandir bayo pakai' nyaman kaitn dinga'. Koi pan co kalo bototapu' pakai' bogoyap duit. Jadi Allah pan tohu mo nantai.

Titus 1:16

Sia' mongatoan obai sia' mongonal Allah. Apo porbuatan sia' monunju'an obai sia' kinyo mongonal Allah. Allah campah agatn sia'. Sia' kinyo taat ko Sio. Sia' kinyo mampu molabuhan la'apo pan inyo boi'.

Yakobus 3:1

Boko somadikanku, kaitn udah tohu obai Allah paca'an mohakipi somuo urakng. Apo, boko guru inyo mongajar mongona'i Allah paca'an dihakipi agatn ukuran inyo lobih borat daripado urakng bukai. Obai nianam, jangan banya' doi' antaro kaitn inyo honda' monjadi guru.