Lukas 20:35 - Porjanjian Boharu Torjomahan Baso Dilakng Soari-ari

³⁵ Apo urakng inyo udah dipilih Allah, sia' paca'an hidup di sorugo. Sia' kinyo tajahan kawitn agi'.

Lukas 20:35 ပူးပေါင်းရင်းမြစ်များ

2 Tesalonika 1:5

Nantaiam butinyo obai Allah moadili monsio agatn adil. Kaitn dianggap cucu' monjadi warga Koraja'an Allah. Nianam alasan kaitn ajab sonsaro obai kaitn hidup di Koraja'an Allah nantai.

Yohanes 5:29

Sia' paca'an koluar doi' pasaran. Urakng inyo bulah koboi'an paca'an mondapat'an hidup somanah-manahnyo di sorugo. Apo urakng inyo bulah kojahatan paca'an dihukupm di noraka.”

Matius 12:32

Sotiap urakng inyo momadahan sosuatu inyo monontakng Ana' Monsio, urakng nantai ulih diamputi. Apo sotiap urakng inyo mohayam Roh Allah, urakng nantai kinyo kalo paca'an diamputi. Urakng nantai kinyo paca'an ulih diamputi di dunia ni'in damo di dunia inyo paca'an datakng.

Kisah Boko Rasul 24:15

Samo sama'an sia', aku pan yakitn obai suatu ari nono Allah paca'an bulah urakng bobali' hidup doi' komatian, boi' urakng bondar honda' pan urakng jahat.

Kisah Boko Rasul 5:41

Boko rasul nantai botula' doi' santai tomaho rindakng, obai Allah moanggap sia' cucu' moalapi ajab sonsaro samo sama'an Yesus. Nanam caro Allah morogo'i sia'.

Lukas 21:36

Jadi, kaitn gola' hala monjago diri. Bodoacam oca' kaitn totap pocayo ko Allah, watu kaitn mohadapi ajab sonsaro inyo co manah agi' tajahan tojadi. Lalu kaitn paca'an tenang watu Ana' Monsio bobali' ko dunia ni'in, moadili somuo urakng am.”

Wahyu 3:4

Apo ado boboropo urakng doi' jomaat di Sardis inyo hidup borosih doi' dosa. Sia' bopakaian putih huatan paca'an bojalatn bosamo-samo agatn Aku, obai sia' cucu' pakai' nantai.

Ibrani 11:35

Boko botina' bobali' monorima' urakng doi' koluarga sia' inyo udah mati obai sia' bobali' hidup. Apo ado jam boko urakng inyo rela didorako'i sampai mati. Aman sia' botongga' pocayo, sia' ulih dibebasan. Apo sia' totap pocayo oca' lopas sia' dihukupm mati, sia' tajahan hidup agi' lalu mondapat'an hidup inyo lobih boi' di sorugo.

Markus 12:24

Timbas Yesus ko sia', “Kaitn koliru bondar obai kaitn kinyo mongoroti Buku Suci ongko kuaso Allah!

Matius 22:29

Timbas Yesus ko sia', “Kaitn kotakan salah obai kaitn co mongoroti Buku Suci huatan kuaso Allah!

Markus 10:42

Apo Yesus moningkau somuo sia'. Kato-Nyo, “Ado boko pomimpitn banso di dunia ni'in inyo co mongonal Allah. Kaitn tohu obai sia' gala' mondorako'i rayat. Boko urakng inyo bokuaso momoso rayat oca' tundu' agatn kuaso sia'.

Lukas 16:8

Lopas nian habakng nantai momuji bendahara inyo kinyo jujur nantai obai io cukup pandai, pakai' bodapat caro hidup lopas jadi ditongga'an.” Lalu Yesus monyimpulan. Kato-Nyo, “Boko urakng inyo jahat cukup pandai tohadap sosamonyo. Sia' lobih pandai daripado boko urakng inyo hidup dalapm torakng.