Lukas 20:27 - Porjanjian Boharu Torjomahan Baso Dilakng Soari-ari

²⁷ Di santai pan ado boboropo pomimpitn agama Yahudi doi' kolompok Saduki. Sia' kinyo pocayo urakng tajahan hidup agi' lopas jadi mati. Sia' honda' mombutian aman sia' nantai bondar, jadi sia' datakng ko Yesus, botakutn mongonaꞌi hal nantai.

Lukas 20:27 ပူးပေါင်းရင်းမြစ်များ

Matius 16:1

Lopas nantai, ado boboropo pomimpitn agama Yahudi doi' kolompok Farisi ongko kolompok Saduki, sia' datakng ko Yesus. Sia' honda' moncubo'i Sio. Jadi, sia' minto oca' Yesus bulah boko mujisat pakai' mombutian ko sia' obai kuaso-Nyo doi' Allah.

Matius 16:12

Obai nantai, hoyu' sia' mongoroti. Yesus kinyo bomasud oca' sia' monjago diri tohadap ragi roti. Sio bomasud oca' sia' monjago diri tohadap ajaran urakng Farisi ongko urakng Saduki.

Matius 16:6

Yesus bopandir ko sia', “Jagocam diri kaitn tohadap ragi doi' boko pomimpitn agama Yahudi, doi' kolompok Farisi huatan doi' kolompok Saduki.”

Kisah Boko Rasul 5:17

Timpu nantai, ado Imam Agukng agatn boko pongikutnyo. Sia' boasal doi' pomimpitn agama Yahudi doi' kolompok Saduki. Sia' monjadi tungi obai banya' urakng pocayo Kabar Boi' mongona'i Yesus inyo disampaian boko rasul.

1 Korintus 15:12

Jadi, koi momboritoan obai Yesus udah dihidupan agi' doi' komatian. Aman kaitn udah pocayo nantai, co mungkitn kaitn mongatoan obai urakng mati kinyo paca'an dihidupan agi' doi' komatian.