Lukas 20:23 - Porjanjian Boharu Torjomahan Baso Dilakng Soari-ari

²³ Apo Yesus udah mongotohu'i masud sia' inyo licik nantai. Jadi Sio bopandir,

Lukas 20:23 ပူးပေါင်းရင်းမြစ်များ

1 Korintus 3:19

Obai Allah moanggap kopintar-corodi'an monsio kinyo ado rotinyo. Hal nantai udah totulis di dalapm Buku Suci: “Ado boko urakng inyo moanggap diri sia' pintar-corodi'. Apo Allah momakai pomikiran sia' siku' pakai' mongalahan sia'.”

Ibrani 4:13

Conyiant la'apo pan inyo toombakan doi' mato-Nyo. Somuo hal jolas huatan tobuka' di hadapan Sio. Somuo kito gola' moaku'i somuo porbuatan kito ko Sio.

1 Korintus 10:9

Jangan kaitn moncubo'i Kristus, sama'an boboropo doi' sia'. Sia' moncubo'i Kristus sampai Tuhatn mongiripm banya' ular biso pakai' momatu' sia'. Jadi, banya' doi' sia' mati.

Lukas 20:20

Jadi, boko guru agama Yahudi huatan boko imam kopala' bogoyap caro oca' sia' ulih mombaba' Yesus ko gubernur Romawi pakai' dihukupm. Lalu sia' hala borotian Yesus. Malahan sia' moncubo bulah gogadatn pakai' Sio. Sia' moutus boboropo urakng ko Yesus pakai' botakutn ubonyo tujuannyo boi', apo sobondarnyo sia' honda' oca' Yesus mongatoan sosuatu inyo salah.

Lukas 6:8

Apo Yesus tohu agatn pomikiran sia'. Ongko, Yesus moningkau urakng inyo longan kanannyo mati nantai, “Bodiritn dipohadapan-Ku ni'in bo!” Urakng nantai maju, ongko bodiritn dipohadapan Yesus.

Lukas 5:22

Yesus tohu mo agatn pomikiran sia'. Jadi Sio bopandir ko sia', “Pomikiran di dalapm hati kaitn kotakan salah!

Matius 22:18

Apo Yesus tohu mo tujuan sia' inyo jahat nantai. Ia'an Sio bopandir, “Kaitn pompadah boi' mo. Mapo kaitn monjebak-Ku?

Matius 16:1

Lopas nantai, ado boboropo pomimpitn agama Yahudi doi' kolompok Farisi ongko kolompok Saduki, sia' datakng ko Yesus. Sia' honda' moncubo'i Sio. Jadi, sia' minto oca' Yesus bulah boko mujisat pakai' mombutian ko sia' obai kuaso-Nyo doi' Allah.

Lukas 20:22

Monurut Duatn, apobai Poraturan Allah inyo ditulis Musa dalapm Hukupm Torat moijitan kito mombayar pajak ko Rajo Romawi?”

Lukas 20:24

“Cubo tiat'an ko Aku sopingka'i duit pira'. Gambar huatan damo sopo inyo ado di santai?” Sia' monimbas, “Gambar huatan damo Rajo Romawi.”

Kisah Boko Rasul 13:10

Katonyo, “Kolai ni'in ana' Rajo Sitatn! Kolai molawatn somuo inyo bondar! Kolai hala mongontumbuki ongko monipu urakng. Ajaran Tuhatn inyo bujur bondar. Apo kolai hala morubah ajaran Tuhatn monjadi ajaran salah! Jangan hala bulah lou' sama'an nian.

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.