Lukas 20:20 - Porjanjian Boharu Torjomahan Baso Dilakng Soari-ari

²⁰ Jadi, boko guru agama Yahudi huatan boko imam kopala' bogoyap caro oca' sia' ulih mombaba' Yesus ko gubernur Romawi pakai' dihukupm. Lalu sia' hala borotian Yesus. Malahan sia' moncubo bulah gogadatn pakai' Sio. Sia' moutus boboropo urakng ko Yesus pakai' botakutn ubonyo tujuannyo boi', apo sobondarnyo sia' honda' oca' Yesus mongatoan sosuatu inyo salah.

Lukas 20:20 ပူးပေါင်းရင်းမြစ်များ

Matius 27:2

Sia' mongobat Sio, mombaba'-Nyo, lalu monyorahan-Nyo ko Pilatus, gubernur propinsi nantai.

2 Petrus 2:3

Obai boko guru palsu nantai tama', jadi sia' paca'an bousaha moncari' untukng doi' kaitn agatn boko kisah inyo dipulah-pulah sia'. Apo, Allah udah manaham siap mohukupm sia'. Kinyo manah agi' sia' tajahan bonaso.

Lukas 20:26

Sia' kotakng hiratn mondingaꞌ timbas Yesus nantai. Jadi sia' tohonyamp. Sia' co ulih bulah Yesus mongatoan sosuatu inyo salah di hadapan urakng banya'.

Markus 3:2

Boko urakng Farisi kotakan borotian Yesus, honda' moniant aman Sio tajahan monyamani urakng nantai. Monurut sia', nantai tomansu' pokoroja'an inyo culih dilabuhan watu ari Sabat. Jadi, nononyo sia' ulih monyalahan Sio.

Lukas 20:21

Boko urakng nantai bopandir ko Yesus, “Guru, koi tohu somuo pomandiran huatan ajaran Duatn hala bondar. Duatn co momihak ko boko urakng totontu apo hala jujur agatn boko urakng, ongko mongajar sia' caro hidup sosuai agatn porintah Allah.