Lukas 20:17 - Porjanjian Boharu Torjomahan Baso Dilakng Soari-ari

¹⁷ Apo Yesus moncorona'i sia', lalu bopandir, “Pikirancam roti doi' la'apo inyo totulis dalapm Buku Suci: ‘Batu inyo dibuakan boko tukakng bangunan udah monjadi batu kotakng pontikng pakai' bangunannyo.’

Lukas 20:17 ပူးပေါင်းရင်းမြစ်များ

Matius 21:42

Kato Yesus ko sia', “Pasti kaitn kalo mombaco di Buku Suci mongona'i ni'in: ‘Batu inyo dibuakan boko tukakng bangunan udah monjadi batu kotakng pontikng pakai' bangunannyo. Tuhatn inyo molabuhan nantai! Hebat bondar pogota'an-Nyo nantai.’ ”

Markus 10:23

Lalu Yesus mongilikng boko murid-Nyo. Kato-Nyo ko sia', “Kotakng uyuh urakng dampu monjadi anggota koluarga Koraja'an Allah.”

Markus 12:10

Pasti kaitn kalo mombaco di Buku Suci mongona'i ni'in: ‘Batu inyo ditula' boko tukakng bangunan udah monjadi batu inyo kotakng pontikng pakai' bangunannyo.

Markus 3:5

Yesus salu' obai sia' korikng hati. Agatn godi, Sio borotian ko sokolilikng boko urakng di santai. Lalu, kato-Nyo ko urakng inyo longannyo mati sopia'an, “Codakan longan kolai!” Pas urakng nantai monyodakan longannyo, longannyo nyamanam.

Lukas 19:41

Yesus mongkitn dampikng agatn kota Yerusalem. Watu Sio moniant kota nantai, Sio salu' bondar obai boko urakng di su'utn.

Lukas 22:37

Obai la'apo inyo udah ditulis dalapm Buku Suci mongonaꞌi Aku gola' tojadi: ‘Io paca'an dianggap samo agatn ponjahat.’ Hal nantai tongahannyo labuham ni'in!”

Lukas 22:61

Lalu Tuhatn Yesus mongilikng ko arah Petrus. Watu nian jam Petrus ingant pomandiran-Nyo tontai: ‘Watu ni'in jam kolai tajahan monyangkal Aku sampai tigo kali sobolupm manu' bokuku'.’

Lukas 24:44

Lopas nantai Sio bopandir ko sia', “Watu Aku ija' sosamo agatn kaitn komai, Aku udah momadahan ko kaitn obai somuo inyo totulis mongonaꞌi Aku gola' tojadi, doi' inyo totulis dalapm boko buku Musa, buku boko Nabi, sampai buku Mazmur.”

Yohanes 15:25

Apo nantai tojadi oca' pomandiran ni'in monjadi nyata. Pomandiran ni'in ditulis dalapm Hukupm Torat sia', ia'an ‘sia' bonci'an Aku conyiant ado alasannyo.’

Kisah Boko Rasul 4:11

Nantai samo sama'an ado totulis dalapm Buku Suci. Yesus, Kristus diumpamoan sama'an batu inyo ditula' boko tukakng bangunan. Dinga' ni'innan bunyi tulisan nantai: ‘Kaitn samo sama'an boko tukakng bangunan inyo monula' Batu. Apo Allah udah bulah Batu nantai monjadi Batu inyo kotakan pontikng.’

Efesus 2:20

Kaitn samo sama'an rumah inyo ditinjakan di pucu' pondasi batu, ia'an boko rasul ongko boko nabi, huatan Kristus Yesus nantai sobagai batu inyo kotakng pontikng.

1 Petrus 2:6

Somuo nantai samo sama'an inyo totulis di dalapm Buku Suci: “Porotiancam! Aku udah momilih batu inyo kotakan borogo. Aku molota'an batu nantai di Sion sobagai batu ponjuru. Urakng inyo pocayo agatn-Nyo, kinyo dipulah malu.”