Lukas 20:16 - Porjanjian Boharu Torjomahan Baso Dilakng Soari-ari

¹⁶ Pasti io paca'an datakng ongko mombunuh sia'. Lopas nian io tajahan mompocayoan kobutn anggur nantai ko boko urakng bukai.” Mondingaꞌ nantai sia' bopandir, “Jangan sampai hal nantai tojadi!”

Lukas 20:16 ပူးပေါင်းရင်းမြစ်များ

Lukas 19:27

Nah, ni'in mongonaꞌi boko musuhku nantai inyo kinyo honda' aku monjadi rajonyo. Baba'cam sia' ko si'itn. Bunuh somuonyo di hadapanku!’ ”

Kisah Boko Rasul 13:46

Apo Paulus ongko Barnabas kinyo gola'. Sia' bopandir, “Yesus moutus koi pakai' monyampaian Kabar Boi' mongona'i Sio. Koi gola' monyampaian lobih doholu ko kaitn, boko urakng Yahudi. Apo kaitn co honda' monorima' nantai. Rotinyo, kaitn kinyo moanggap diri cucu' monorima' hidup somanah-manahnyo. Obai nantai, ni'inan koi moninggalan kaitn ongko botula' molayati boko banso inyo bukainyo urakng Yahudi.

Matius 21:41

Timbas sia' ko io, “Pasti urakng umputn kobutn nantai paca'an mombunuh boko urakng jahat nantai. Lalu io paca'an monyewaan kobutn anggur nantai ko boko potani inyo honda' moonji'i pombagian hasil kobutn ko io udah watunyo.”

Matius 22:7

Rajo nantai kotakan godi. Sio monyiuh tontaranyo pakai' mombunuh boko urakng inyo mombunuh boko hulutnnyo nantai. Sio pan monyiuh tontaranyo pakai' moncucul kota sia'.

Matius 21:34

Watu musipm mongopil anggur nantai hampikam, puku' kobutn nantai monyiuh boboropo hulutnnyo ko boko potani ponyewa nantai pakai' mongopil hasil kobutn inyo udah monjadi hak umputnnyo.

Markus 12:9

Lopasnyo Yesus botakutn ko sia', “Watu ni'in, la'apo inyo tajahan dilabuhan puku' kobutn nantai? Pasti io tajahan datakng lalu mombonasoan boko potani ponyewa nantai. Lopas nantai io tajahan mompocayoan kobutn anggur nantai ko boko urakng bukai.

Lukas 20:15

Jadi, sia' mondudusnyo ko luar kobutn ongko mombunuhnyo!” Lalu Yesus botakutn ko urakng banyaꞌ inyo tongahan mondingaꞌan kisahnyo, “Tohu cado kaitn la'apo inyo tajahan dilabuhan urakng umputn kobutn anggur nantai ko sia'?

Roma 3:4

Samo sokali cado! Biar pan somuo urakng tumbukan, Allah hala bondar. Nantai samo sama'an inyo totulis dalapm Buku Suci: “Somuo pomandiran Duatn pasti bondar! Soandainyo, Duatn ulih diadili dalapm pongadilan, pasti Duatn inyo monang.”

Roma 3:6

Samo sokali cado! Soandainyo Allah kinyo adil, nononyo co mungkitn Sio ulih mohakipi boko urakng di dunia ni'in?

Roma 3:31

Aman kito monjadi bondar obai kito pocayo, apobai nantai boroti kito bopikir obai Hukupm Torat kinyo ado gunonyo? Samo sokali cado! Sobali'nyo justru obai kito pocayo, jadi kito monuruti la'apo inyo Allah masud agatn moonju' Hukupm Torat.

Roma 6:2

Samo sokali cado! Kito udah moninggalan caro hidup inyo manah, samo sama'an kito mati tohadap dosa. Jadi, jangannam kito ija' hidup agatn hala mombulah dosa!

Roma 6:15

Jadi sama'an apo? Aku momandiran obai kito co hidup dibabah kuaso Hukupm Torat, apo kito hidup dibabah kuaso Allah inyo torus-monorus monunju'an koboi'an-Nyo ko kito. Apobai nantai boroti kito suba' mo mombulah dosa? Samo sokali cado!

Roma 7:7

Aman sama'an nian, apo inyo ulih kito pandiran? Apobai Hukupm Torat nantai jahat? Samo sokali cado! Sobali'nyo, justru Hukupm Torat mongajar aku mongona'i dosa. Contohnyo: Ado porintah ni'in dalapm Hukupm Torat: “Jangan mohonda'i umputn urakng bukai!” Doi' nantai, aku tohu kohonda' sama'an nantai ia'an dosa.

Roma 7:13

Aman sama'an nian, apobai porintah inyo boi' nantai mombulah aku gola' dihukupm mati topisah doi' Allah? Samo sokali cado! Kuaso dosa inyo molabuhan nantai! Kuaso dosa monggunoan porintah inyo boi' pakai' mombulah aku gola' dihukupm mati topisah doi' Allah. Nantai tojadi oca' jolas apo nantai dosa. Porintah inyo boi' digunoan oca' lobih jolas agi' dosa memang kotakan jahat.

Roma 9:14

Aman ubo nian, la'apo inyo ulih kito padahan? Kata'an Allah kinyo adil bai? Pasti Allah adil!

Roma 11:1

Aku botakutn: Kata'an Allah udah monula' umant-Nyo urakng Israel bai? Samo sokali cado! Obai aku urakng Israel huatan Allah kinyo monula' ku. Aku doi' koturutan Abrahapm, doi' suku Benyamin.

Roma 11:11

Jadi, banya' urakng Yahudi monjadi jouh doi' Allah. Apo aku botakutn: Apo bai nantai tojadi oca' sia' co mungkitn bobali' ko Allah? Samo sokali cado! Obai sia' bodosa monula' Yesus, jadi boko banso bukainyo dionji'i kosompatan pakai' monorima' Yesus ongko monjadi solamant. Nantai tojadi oca' urakng Yahudi monjadi hiri, honda' diborokati jam samo sama'an boko banso bukai nantai jam.

1 Korintus 6:15

Co tohu bai kaitn aman bukakng-tubuh kito siku'-monyiku' samo sama'an anggota bukakng-tubuh Kristus. Obai kito anggota bukakng-tubuh Kristus, jadi kito culih monyorahan bukakng-tubuh kito ko lahukng!

Galatia 2:17

Koi pocayo koi dipohitukan bondar di hadapan Allah obai koi pocayo ko Kristus. Apo aman udah molabuhan nantai, koi dianggap ‘urakng bodosa’ sama'an urakng bukainyo Yahudi. Apobai nantai boroti Kristus bulah koi bodosa? Pasti cado!

Galatia 3:21

Apobai nantai boroti obai Hukupm Torat bolawatan agatn boko janji Allah? Tontunyo cado! Obai, umpamonyo Allah moonji'i Hukupm Torat pakai' moonji'i kohidupan ko monsio, ongko rotinyo monsio ulih dianggap bondar di hadapan Allah agatn monaati Hukupm Torat.

Galatia 6:14

Apo aku kinyo buhau agatn porbuatan la'apo pan inyo aku labuhan. Aku bayo sonang agatn porbuatan Yesus Kristus. Sio mati di kayu salib pakai' mombuka' jalatn oca' urakng ulih disolamant'an. Sio nantai Tuhatn kito, ia'an kito inyo pocayo ko Sio. Obai nantai, ubonyo aku pan disaliban tohadap somuo hal inyo duniawi. Aku kinyo morogo'i boko hal inyo dirogo'i boko urakng inyo ado di dunia ni'in. Boko urakng inyo ado di dunia ni'in pan kinyo morogo'i boko hal inyo aku rogo'i.