Lukas 20:14 - Porjanjian Boharu Torjomahan Baso Dilakng Soari-ari

¹⁴ Apo, watu boko potani nantai moniant ana' urakng umputn kobutn nantai datakng, sia' bohoupm antaro sosamo sia', ‘Io nantai ahli waris urakng umputn kobutn ni'in. Huncapm, kito mombunuh io oca' warisan kobutn ni'in ulih monjadi umputn kito!’

Lukas 20:14 ပူးပေါင်းရင်းမြစ်များ

Roma 8:17

Nah, aman kito ni'in poana'an-Nyo, jadi kito pan tajahan monorima' somuo borokat inyo Sio sodia'an pakai' poana'an-Nyo. Samo sama'an Kristus mondapat'an borokat doi' Allah, kito pan tajahan mondapat'an borokat. Masudnyo, aman kito mondorita' samo sama'an Kristus, kito tajahan monorima' kohidupan inyo mulia samo sama'an Sio jam.

Ibrani 1:2

Apo, watu ari-ari toahir ni'in Allah bopandir ko kito molalu'i Ana'-Nyo. Allah udah monotap'an Ana'-Nyo inyo bohak momuku'i somuo hal. Molalu'i Sio, Allah mombulah sogolintaran alapm.

Kisah Boko Rasul 2:23

Biar pan kaitn mongotohu'i nantai, kaitn monyorahan Sio ko boko urakng inyo kinyo mongonal Allah. Kohonda' kaitn oca' Sio dihukupm mati di kayu salib. Apo somuonyo nantai tojadi sosuai agatn kohonda' Allah. Hajat Allah nantai udah ditotapan-Nyo doi' joman komaimo.

Lukas 22:2

Boko imam kopala' huatan boko guru agama Yahudi tongahan bogoyap caro pakai' mombunuh Yesus socaro bototapu'. Sia' gola' tajahan tojadi sosuatu hal aman ado banyaꞌ urakng watu sia' monangkap Sio.

Lukas 20:19

Timpu nantai jam, boko guru Poraturan Agama Yahudi huatan boko imam kopala' honda' monangkap Sio obai sia' udah mongoroti masud doi' poumpamoan Yesus inyo monyalahan sia'. Apo culih sia' monangkap Sio watu nantai obai sia' gola' agatn urakng banya'.

Lukas 20:5

Jadi, sia' bohoupm mongonaꞌi potakutan nantai di antaro sosamo sia'. “Aman kito bopandir, ‘Allah inyo moonji'i hak nantai ko Yohanes, Yesus tajahan monogur kito obai kito co pocayo pomandiran Yohanes mongonaꞌi Sio.’

Lukas 19:47

Lopas nantai, Yesus mongajar di tongahlamanan Rumah Allah sotiap ari. Tongahan nantai, boko imam kopala', boko guru Poraturan Agama Yahudi, ongko boko pomimpitn urakng Yahudi bogoyap caro pakai' mombunuh Yesus.

Matius 21:25

Ni'in Aku botakutn: Sopo inyo moonji'i kuaso ko Yohanes pakai' mombaptis? Allah kata'an monsio ai?” Jadi, sia' bohoupm goyap jawabannyo di antaro sia'. Kato sia', “Aman kito bopandir, ‘Allah inyo moonji'i kuaso nantai ko Yohanes’, Yesus paca'an monogur kito obai kito co pocayo agatn Yohanes.

Matius 16:7

Jadi, sia' bopikir mongona'i pomandiran Yesus nantai. Sia' bopandir ko siku'-monyiku', “Yesus momandiran nantai obai kito co mombaba' roti.”

Matius 21:34

Watu musipm mongopil anggur nantai hampikam, puku' kobutn nantai monyiuh boboropo hulutnnyo ko boko potani ponyewa nantai pakai' mongopil hasil kobutn inyo udah monjadi hak umputnnyo.

Lukas 20:13

Lalu umputn kobutn nantai bopandir dalapm hatinyo, ‘Aku gola' bopikir bogoyap caro inyo bukai. Aku paca'an moutus ana'ku siku', ana' inyo tunggal inyo kokidahku. Mungkitn sia' tajahan mohormati io.’

Lukas 20:15

Jadi, sia' mondudusnyo ko luar kobutn ongko mombunuhnyo!” Lalu Yesus botakutn ko urakng banyaꞌ inyo tongahan mondingaꞌan kisahnyo, “Tohu cado kaitn la'apo inyo tajahan dilabuhan urakng umputn kobutn anggur nantai ko sia'?