Lukas 20:11 - Porjanjian Boharu Torjomahan Baso Dilakng Soari-ari

¹¹ Jadi, umputn kobutn nantai moutus siku' hulutn inyo bukai ko sia'. Apo sia' momantu io jam. Sia' mohayam io ongko monyiuh io pulakng apo conyiant jam mombaba' la'apo pan.

Lukas 20:11 ပူးပေါင်းရင်းမြစ်များ

Kisah Boko Rasul 7:52

Angki-bayatn kaitn monyisa somuo nabi Allah. Joman komai, sia' mombunuh boko nabi inyo mongabaran mongona'i kodatakan Rajo Inyo Dijanjian Allah, ia'an Hulutn Allah inyo hala hidup bondar di hadapan Allah. Sokarakng Rajo nantai udah datakng apo kaitn monyorahan Sio ko musuh-Nyo oca' Sio dibunuh!

Markus 12:4

Puku' kobutn nantai monyiuh hulutn inyo bukainyo ko sia'. Apo, sia' boduda'an hulutn nantai jam, sampai luko kopala'nyo. Sia' pan momisuh-maki io jam.

Lukas 20:10

Timpu musipm mongopil buah anggur pan udah labuham, urakng umputn kobutn nantai honda' mondapat'an la'apo inyo monjadi umputnnyo doi' hasil kobutn nantai. Jadi io moutus siku' urakng hulutn ko boko potani ponyewa nantai oca' sia' moonji'i sobagi'an hasil nantai ko io. Apo timpu hulutn nantai datakng, sia' momantu io, lalu monyiuh io pulakng agatn conyiant mombaba' la'apo pan.

Lukas 20:12

Apo, umputn kobutn nantai totap moutus siku' hulutn inyo kotigo ko sia'. Sia' moluko'i io lobih borat agi', lalu mombuakan io koluar kobutn nantai.