Lukas 2:9 - Porjanjian Boharu Torjomahan Baso Dilakng Soari-ari

⁹ Sopongirap molekat Tuhatn moniant'an dirinyo ko sia', ongko cohayo torakng doi' Allah monoraki di sokitar sia'. Sia' kotakan gola'.

Lukas 2:9 ပူးပေါင်းရင်းမြစ်များ

Matius 1:20

Apo timpu Yusuf tongahan momikiran hal nantai, datakam molekat Tuhatn Allah ko io dalapm mimpi. Molekat nantai bopandir, “Yusuf, koturutan Rajo Daud, jangan gola' monguti' Maria pakai' monjadi bini kolai. Obai, kuaso Roh Allah inyo bulah Maria buntikan.

Lukas 1:28

Ongko molekat nantai datakng ko rumah Maria, “Salapm, kolai diborokati Tuhatn. Tuhatn hala bosamo agatn kolai!”

Lukas 2:8

Timpu malapm nian jam, ado boko pongombolo domba tongahan monjago'i boko hayapm-inguannyo di padakng rumput di doerah dampikng agatn kota Betlehem.

Lukas 24:4

Tongahan sia' bodiritn di santai bingung momikiran hal nantai, sopongirap ado duo urakng agatn pakai'an bocohayo bodiritn dampikng sia'.

Yohanes 12:41

Yesaya bopandir sama'an nantai obai io udah moniant komulia'an Yesus. Ongko, io monulis mongona'i Yesus.

Kisah Boko Rasul 12:7

Sopongirap ado molekat Tuhatn moniant'an dirinyo ko Petrus. Torakng momanjah di dalapm ruakan ponjara nantai. Molekat nantai mongguyakng-guyakng Petrus pakai' monggagaian io. Kato molekat nantai, “Cocopat huas!” Watu nantai jam, boko rantai tolopas doi' longan Petrus.

Kisah Boko Rasul 27:23

Aku bopandir ubo nantai obai malapm mantai ado molekat datakng ko aku. Molekat nantai diutus Allahku, Allah inyo aku sombah, Allah inyo aku layati. Molekat doi' Allah nantai bodiritn di sopia' aku.

Kisah Boko Rasul 5:19

Apo pas malapm ari, ado molekat datakng mombuka' boko lawakng ponjara nantai ongko moirikan sia' ko luar. Kato molekat nantai,

2 Korintus 3:18

Somuo kito inyo di bimbikng Roh Tuhatn, Sio torus-monorus morubah kito monjadi mongkitn samo agatn Sio. Jadi, kohidupan kito monunju'an obai Tuhatn mulia, samo sama'an mato-muho kito co ditutupi koitn ponutup nantai.

2 Korintus 4:6

Obai, Allah inyo bopandir, “Kohonda'nyo ado torakng inyo bocohayo doi' kogolapan!” Sio jam inyo mombulah torakng bocohayo di dalapm hati kito. Ia'an, Sio mombulah oca' kito ngoroti agatn hal ni'in: Komulia'an Allah dapat ditiat di dalapm muho Kristus.

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”

Ibrani 12:21

Kojadian inyo sia' tiat nantai kotakng bogola'i sampai Musa pan bopandir, “Aku gola' huatan bogogora'!”

Wahyu 18:1

Lopas nantai, aku moniant siku' molekat inyo bukai turutn doi' sorugo. Io bokuaso bosar. Bumi monjadi torakng obai cohayo komulia'annyo.

Wahyu 20:11

Lopas nian, aku moniant tahta putih inyo bosar. Aku moniant Sio inyo dudu' di pucu'nyo. Soluruh langit ongko bumi lonyap doi' pohadapan-Nyo huatan kinyo ditomuan agi' tompatnyo.