Lukas 2:51 - Porjanjian Boharu Torjomahan Baso Dilakng Soari-ari

⁵¹ Lopas nian Yesus pulakng sosamo agatn sia' ko kota Nazaret. Yesus totap taat agatn sia'. Indai-Nyo monyimpatn boko poristiwa inyo tojadi nantai, dalapm hatinyo.

Lukas 2:51 ပူးပေါင်းရင်းမြစ်များ

Matius 12:46

Pontongahan Yesus ija' bopandir agatn urakng banya' nantai, datakam indai agatn boko somadikan-Nyo. Sia' bodiritn di luar, honda' botomu Sio apo co ulih.

Matius 3:15

Apo Yesus monimbas, “Biaram kolai molabuhan nantai dalapm watu ni'in. Obai agatn ubo nanam kito momonuhi somuo hal inyo dikohonda'i Allah.” Jadi, Yohanes monuruti pomandiran Yesus nantai. Io mombaptis Yesus.

Markus 1:9

Timpu nantai, Yesus datakng doi' laman Nazaret di propinsi Galilea. Yohanes mombaptis Sio di sungai Yordan.

Lukas 18:37

Sia' bopandir, “Yesus, Urakng Nazaret, tongahan lalu di si'itn.”

Lukas 2:19

Apo Maria hala monyimpatn boko poristiwa inyo udah tojadi nantai, ongko morenungan somuo nantai di dalapm hati.

Lukas 2:39

Lopas Yusuf ongko Maria jadi molabuhan boko acara diporintahan dalapm Hukupm Torat pulakam sia' ko kota Nazaret, di doerah Galilea.

Lukas 4:16

Di doerah Galilea nantai, Yesus datakng ko Nazaret, tompat Sio dibosaran. Watu ari Sabat, Sio mansu' ko rumah sombayakng ubo biasonyo. Ongko, Sio bodiritn, maju ko muka' pakai' mombaco doi' Buku Suci.

Lukas 4:23

Ongko kato Yesus ko sia', “Pasti kaitn paca'an momadahan pobaso ni'in ko Aku, ‘Uai dokter, nyamani bo diri kolai siku'.’ Kohonda'nyo kolai mombutian kuaso Kolai di tompat asal kolai ni'in agatn mujisat, samo samaꞌan mujisat inyo koi dinga' inyo udah kolai labuhan di Kapernaum.”

Efesus 5:21

Kaitn gola' hala tundu' ko inyo bukainyo jam pakai' mohormati Kristus.

1 Petrus 2:21

Obai, Allah momilih kaitn pakai' nantai. Kristus siku' moonji'i contoh oca' kaitn moniru porbuatan-Nyo. Ia'an, Sio udah totap kuat mondorita' pakai' kaitn.