Lukas 2:38 - Porjanjian Boharu Torjomahan Baso Dilakng Soari-ari

³⁸ Timpu Yusuf, Maria ongko bobia' nantai ado di santai, datakam Hana ko sia', ongko mula'i moucap sukur ko Allah. Io bopandir mongonaꞌi Ana' nantai, Rajo Inyo Dijanjian Allah. Io bopandir ko somuo urakng di siatn inyo monanti watu somuo banso Israel dilopasan.

Lukas 2:38 ပူးပေါင်းရင်းမြစ်များ

Markus 15:43

Jadi, ado urakng inyo bodamoan Yusuf, bokotohuan ko gubernur Pilatus honda' moijitn aman io ulih momasar bangkai Yesus. (Yusuf ni'in asalnyo doi' kota Arimatea. Io anggota Mahkamah agama Yahudi huatan io dirogo'i urakng. Io pan ia'an urakng inyo monanti Koraja'an Allah datakng.) Io kinyo gola' monomu'i Pilatus.

Lukas 1:68

“Topujicam Tuhatn, Allah banso Israel! Allah datakng monulukng huatan mombebasan umant-Nyo.

Lukas 2:25

Timpu nantai di kota Yerusalem ado urakng damonyo Simeon. Sio ni'in urakng onsi', inyo hala mohormati huatan monaati Allah. Sio monanti Rajo Inyo Dijanjian Allah nononyo datakng moonji'i kodamaian ko banso Israel. Roh Allah monyoroto'i Simeon.

Lukas 2:36

Di tongahlamanan Rumah Allah nantai pan ado siku' urakng nabi botina' inyo udah kotakng tuho. Damonyo Hana. Io ana' Fenuel doi' suku Asyer. Io kalo kawitn somanahan tujuh tohutn, apo lopas nian lakinyo mati ongko monjadi balu. Io boumur dolapatn puluh ompat tohutn. Io hala di Rumah Allah. Siakng-malapm sombayakng agatn hala bopuaso ongko bodoa.

Lukas 24:21

Padohal tontainyo koi kotakng boharap Sio inyo tajahan monyolamant'an banso Israel doi' kuaso musuh, apo balakngam. Apotolagi' watu ni'in co mungkitn obai ni'in udah ari inyo kotigo doi' Sio mati.

2 Korintus 9:15

Bosukurcam ko Allah obai poonju'-Nyo inyo kotakan borogo nantai!

Efesus 1:3

Topujiam Allah, ia'an Bopai doi' Yesus Kristus, Tuhatn inyo bokuaso di pucu' kito. Allah udah moonji'i ko kito somuo borokat rohani doi' sorugo dalapm Kristus.