Lukas 2:34 - Porjanjian Boharu Torjomahan Baso Dilakng Soari-ari

^34-35 Ongko Simeon momborokati Maria agatn Yusuf. Huatan io bopandir ko Maria, “Sobondarnyo, Bobia' ni'in udah dipilih Allah, oca' isi hati boko urakng banyaꞌ inyo tobumbutn tajahan kotohuan. Sio monjadi tando pakai' monunju'an kohonda' Allah, sampai banyaꞌ boko urakng Israel monjadi lobih dampikng ko Allah. Apo banyaꞌ jam inyo tajahan molawatn-Nyo. Banyaꞌ urakng Israel paca'an monjouhan diri doi' Allah obai monula' Bobia' ni'in. Ajab sonsaro sampai komatian inyo paca'an dialapi-Nyo tajahan bulah kolai pan bulikng, Maria. Samo ubo podakng inyo monuhu' hati kolai.”

Lukas 2:34 ပူးပေါင်းရင်းမြစ်များ

Matius 11:19

Lopas nian Ana' Monsio datakng. Sio makatn, Sio minum, apo sia' bopandir Sio urakng kaha', pomabu', ‘Kawal ponagih pajak huatan urakng bukai inyo bodosa.’ Apo sia' salah obai porbuatan urakng mombutian aman urakng nantai bondar-bondar bisi kopintar-corodi'an doi' Allah kata'an cado.”

Matius 12:46

Pontongahan Yesus ija' bopandir agatn urakng banya' nantai, datakam indai agatn boko somadikan-Nyo. Sia' bodiritn di luar, honda' botomu Sio apo co ulih.

Matius 21:44

Batu nantai paca'an mohancuran sotiap urakng inyo jatu' di pucu'nyo, huatan moropu'an sotiap urakng inyo ditinggakngnyo.”]

Matius 27:63

Kato sia', “Habakng, koi ingant watu Yesus ponipu nantai ija' hidup, Sio kalo bopandir, ‘Lopas tigo ari, Aku paca'an hidup agi'.’

Yohanes 3:20

Somuo urakng inyo bulah kojahatan, sia' bonci'an torakng. Sia' co datakng ko torakng obai torakng bulah porbuatan sia' inyo jahat kotiat'an.

Yohanes 5:18

Obai pomandiran Yesus nantai, lalu boko pomimpitn agama Yahudi mongkitn bousaha pakai' mombunuh-Nyo. Bukainyo aja' obai Sio molanggar poraturan ari Sabat, apo obai Sio momandiran obai Allah nantai Bopai-Nyo. Agatn ubo nian, Sio monyamoan diri-Nyo agatn Allah.

Kisah Boko Rasul 13:45

Apo watu boko urakng Yahudi moniant urakng banya' nantai, sia' monjadi kotakan tungi. Sia' mohayam Paulus. Sia' jam monikaki la'apo inyo diajarannyo.

Kisah Boko Rasul 17:6

Apo sia' kinyo botomu Paulus agatn Silas di santai. Jadi, sia' monangkap Yason agatn boboropo urakng pocayo jam. Sia' momoso mombaba' Yason agatn boboropo urakng nantai ko boko pojabat kota. Sia' bopandir kotakan borakng, “Ado duo urakng inyo udah mongacauan boko kota di mono-mono. Watu ni'in, duo urakng nantai ado di kota kito jam!

Kisah Boko Rasul 24:5

Koi udah moniant obai urakng ni'in pongacau. Di soluruh dunia, io bulah korusuhan di antaro somuo urakng Yahudi. Io jam momimpitn kolompok urakng inyo jumpat ajaran Urakng Nazaret nantai.

Kisah Boko Rasul 28:22

Apo koi kalo mondinga' mongona'i kopocaya'an inyo kolai jumpati nantai. Banya' urakng di mono-mono bopandir molawatn kopocaya'an nantai. Jadi, koi honda' mondinga' lansukng doi' kolai mongona'i kopocaya'an kolai nantai.”

Kisah Boko Rasul 4:26

Boko rajo di dunia bososiap boparakng. Ongko boko pomimpitn bukai bogabukng agatn sia' pakai' molawatn Tuhatn Allah huatan Rajo Inyo Dijanjian-Nyo.’

Kisah Boko Rasul 6:7

Kabar Boi' mongona'i Yesus torus diboritoan. Jumlah urakng inyo pocayo di Yerusalem mongkitn botambah banya'. Malahan banya' imam pocayo agatn Yesus jam.

Roma 9:32

Hibo? Obai sia' kinyo pocayo agatn Yesus apo bousaha monjadi bondar agatn porbuatan boi' sia'. Yesus samo sama'an batu inyo bulah sia' topanjur.

1 Korintus 1:23

Apo koi momboritoan obai Kristus, Rajo Inyo Dijanjian Allah mati di kayu salib. Hal nantai bulah boko urakng Yahudi tosinggukng, huatan boko urakng inyo kinyo Yahudi moanggap hal nantai kinyo ado rotinyo.

Ibrani 7:1

Watu joman komai, Melkisedek nantai ia'an rajo di kota Salem. Io nam imam inyo molayati Allah inyo kotakng bokuaso. Watu nantai, Abrahapm botula' boparakng mongalahan boboropo rajo bukainyo. Watu Abrahapm bobali' doi' boparakng nantai Melkisedek mohimpa'i io lalu momborokatinyo.

Ibrani 7:7

Conyiant ado urakng inyo monikaki, obai urakng inyo momborokati hala lobih pontikng doi' urakng inyo io borokati.

1 Petrus 4:14

Sonangcam kaitn aman urakng bukai momojah kaitn obai damo Kristus. Obai, nantai rotinyo Roh inyo bokuaso ado di kaitn, ia'an Roh Allah.