Lukas 2:27 - Porjanjian Boharu Torjomahan Baso Dilakng Soari-ari

²⁷ Jadi pas Yusuf ongko Maria mombaba' Yesus ko Rumah Allah pakai' molabuhan inyo udah diporintahan dalapm Hukupm Torat, pas timpu nantai Roh Allah bulah Simeon botula' ko Rumah Allah jam.

Lukas 2:27 ပူးပေါင်းရင်းမြစ်များ

Kisah Boko Rasul 10:19

Watu Petrus ija' momikiran mongona'i poniant'an nantai, Roh Allah bopandir ko io, “Petrus! Ado tigo urakng monggoyapi kolai. Sia' hoyu' datakng.

Lukas 2:51

Lopas nian Yesus pulakng sosamo agatn sia' ko kota Nazaret. Yesus totap taat agatn sia'. Indai-Nyo monyimpatn boko poristiwa inyo tojadi nantai, dalapm hatinyo.

Lukas 2:48

Urakng tuho-Nyo pan tonganga' kali moniant Yesus. Indai-Nyo bopandir ko Io. “Na, jangan ubo nian agatn indai-bopai kolai. Koi duo murakan udah kuatir monggoyapi kolai!”

Lukas 2:41

Sotiap tohutn urakng tuho Yesus botula' ko kota Yerusalem pakai' morayaan Ari Rayo Paskah.

Wahyu 17:3

Jadi, dalapm poniant'anku inyo dionju' Roh Allah, molekat nantai mombaba' ku ko padakng pasir. Di santai, aku moniant siku' botina' dudu' di pucu' bonatakng inyo bowarna mirah tuho nantai. Dibonatakng nantai banya' tulisan inyo mongutu' Allah. Bonatakng nantai bokopala' tujuh huatan botandu' sopuluh.

Wahyu 1:10

Watu ari Tuhatn, aku dikuaso'i ulih Roh Allah. Timpu nantai, aku mondinga' saro inyo kotakan borakng samo sama'an bunyi trompet.

Kisah Boko Rasul 16:7

Sia' pan tuntukng di porbatasan doerah Misia. Doi' su'utn, sia' honda' botula' ko doerah Bitinia. Apo, sokali agi' Roh Yesus morarakng sia'.

Kisah Boko Rasul 11:12

Ongko, Roh Allah bopandir ko aku pakai' co gangga'-gua'an. Roh Allah monyiuh aku tuyut sia' ko kota Kaisarea. Koonam somadikan ni'in inyo tongahan ado di si'itn sokarakng, sia' jam tuyut samoan agatn aku doi' kota Yope nantai. Watu koi sampai ko Kaisarea, koi mansu' ko dalapm rumah urakng inyo moningkau aku.

Kisah Boko Rasul 8:29

Pas Filipus moniant urakng Etiopia nantai, Roh Allah bopandir ko io, “Hampiki koreta nian.”

Lukas 4:1

Yesus moninggalan sungai Yordan tompat Sio dibaptis. Roh Allah ado di dalapm diri Sio, moirikan Sio ko padakng pasir.

Lukas 2:22

Pas watu ari adat ponyucian husus pakai' urakng jadi boana' datakng ko arinyo, Maria agatn Yusuf botula' ko Rumah Allah di kota Yerusalem oca' sia' ulih moonji'i posombahan ko Allah sosuai agatn inyo totulis dalapm Hukupm Torat. Posombahan nantai sopasakng burukng tokukur, suba' jam duo iku' ana' burukng daro inyo hoyu' trobakng labuh. Sia' pan mombaba' Yesus ko kota Yerusalem pakai' monyorahan Sio ko Allah obai ado porintah agi' dalapm Hukupm Allah, dinga' ni'inan bunyinyo, “Aman siku' botina' molahiran ana' kojula'annyo lolaki, jadi indai agatn bopainyo gola' monyorahannyo ko Allah oca' io hidup husus pakai' Allah.”

Matius 4:1

Lopas nantai, Roh Allah moirikan Yesus ko padakng pasir inyo langunt oca' dicubo'i Rajo Sitatn.

Lukas 2:28

Pas Simeon moniant Bobia' nantai, io monjola' ongko mongipa'-Nyo, huatan momuji Allah,

Galatia 4:4

Apo topat watu inyo ditontuan Allah, Sio moutus Ana'-Nyo, ko dunia ni'in inyo lahir doi' siku' urakng botina'. Yesus monaati somuo porintah ongko poraturan Allah inyo ditulis Musa dalapm buku Hukupm Torat.