Lukas 2:14 - Porjanjian Boharu Torjomahan Baso Dilakng Soari-ari

¹⁴ “Pujian pakai' Allah di sorugo, tompat Inyo Maho Tinggi. Sonang-asau di bumi pakai' monsio inyo monyonangan hati Allah.”

Lukas 2:14 ပူးပေါင်းရင်းမြစ်များ

Matius 21:9

Banya' urakng bojalatn di pohadapan ongko di bolikat Yesus. Sia' mondongkakng-mondorah, “Hosana! Pujicam Rajo doi' koturutan Daud! Pujicam Sio inyo datakng mowakili Tuhatn Allah! Pujicam Sio di tompat inyo kotakan tinggi!”

Lukas 19:38

Kato sia', “Diborokati Rajo inyo datakng agatn kuaso Tuhatn Allah! Sonang-asau di sorugo ongko topujicam Allah di tompat inyo maho tinggi.”

Lukas 2:13

Sopongirap kotiat'anam kotakng banya' boko molekat. Boko molekat nantai somuonyo momuji Allah huatan bopandir,

Lukas 2:15

Lopas nian, boko molekat nantai bobali' ko sorugo, moninggalan boko pongombolo domba. Ongko boko pongombolo domba bopandir ko siku'-monyiku', “Mara kito ko Betlehem, moniant kojadian inyo udah tojadi di suntai, inyo hoyu' di padahan Tuhatn ko kito.”

Lukas 3:22

huatan Roh Allah turutn kopucu'-Nyo monyorupo'i burukng daro. Ongko kodinga'an saro Allah doi' sorugo momandiran, “Kolai nam Ana'-Ku inyo Ku kasihi. Kolai monyonangan hati-Ku.”

Yohanes 14:27

Timpu watu Aku botula', Aku moonji'i sonang-asau-Ku ko kaitn. Sonang-asau-Ku inyo Aku onju' ko kaitn, bukainyo sama'an ponyaman inyo dunia onju'. Jadi jangan golisah. Jangan gola'.

Yohanes 17:4

Aku udah monjadi'i pogota'an di dunia ni'in inyo Duatn onju' ko aku. Agatn caro nantai, Aku momuliaan Duatn.

Yohanes 3:16

Obai, Allah kotakng mongasihi boko urakng di dunia ni'in. Sampai, Sio udah monyorahan Ana'-Nyo inyo tunggal. Allah molabuhan nantai, oca' somuo urakng inyo pocayo ko Ana'-Nyo, sia' co bonaso di noraka, apo sia' dapat hidup somanah-manahnyo di sorugo.

Kisah Boko Rasul 10:36

Kaitn tohu obai Allah udah monyampaian Kabar Boi' ko koi banso Yahudi. Joman komai, Allah bojanji Sio paca'an moutus siku' urakng Rajo. Rajo nantai paca'an mombuka' jalatn oca' urakng ulih bodamai agatn Allah. Yesus nantai Rajo Inyo Dijanjian Allah. Yesus nantai Tuhatn inyo puku' somuo urakng di dunia.

Roma 5:1

Watu ni'in, kito udah monjadi bondar obai kito pocayo ko Yesus. Jadi, kito ado damai agatn Allah. Nantai tojadi obai apo inyo Tuhatn Yesus Kristus labuhan pakai' kito.

Efesus 1:6

Sio molabuhan nantai oca' kito momuji kasih karunia-Nyo inyo Sio tunju'an ko kito, ia'an molalu'i la'apo inyo dilabuhan ulih Ana'-Nyo inyo dikasihi-Nyo.

Efesus 1:9

Obai Allah udah momandiran ko kito roncana-Nyo, inyo komai kinyo dikotohu'i monsio. Doi' mulonyo, Allah udah monontuan obai roncana-Nyo paca'an dilabuhan molalu'i Kristus. Roncana-Nyo nantai sosuai agatn kohonda'-Nyo huatan monyonangan hati-Nyo.

Efesus 2:4

Apo Allah kotakng bobolas kasihan Sio kotakng mongasihi kito.

Efesus 2:7

Nantai am caronyo Allah monunju'an kasih karunia-Nyo ko kito dalapm Kristus Yesus. Allah molabuhan nantai oca' pado masa-masa nononyo boko urakng ulih moniant obai Sio kotakng boi'.

Filipi 2:11

Somuonyo tajahan moaku'i obai Yesus Kristus ia'an Tuhatn di pucu' la'apo pan. Agatn ubo nantai, Allah Bopai tajahan dipuji.

Filipi 2:13

Obai, Allah siku' bokorojo di dalapm kaitn. Sio moonju' ko kaitn kohonda' ongko komampuan pakai' monyonangan Sio.

Kolose 1:20

Allah pan bulah somuo hal ulih bokomboi'an agi' agatn Sio. Ia'an, somuo hal di bumi huatan di sorugo. Allah molabuhan nantai agatn darah Kristus inyo mati di kayu salib.

2 Tesalonika 2:16

Allah Bopai huatan Yesus Kristus, Tuhatn kito, mongasihi kito. Sio monguat'an hati kito somanah-manahnyo. Sio jam bulah kito kotakng yakitn obai Sio paca'an momonuhi somuo janji inyo boi' pakai' kito. Koi bodoa oca' Allah Bopai huatan Yesus Kristus, Tuhatn kito

Wahyu 5:13

Lopas nian, aku mondinga' somuo mahluk di sorugo, di bumi, di babah bumi, di lout huatan somuo inyo ado di dalapmnyo, bonyanyi, “Pakai' Sio inyo dudu' di pucu' tahta ongko bagi Ana' Domba, puji, hormat, komulia'an ongko kuaso sampai somanah-manahnyo!”