Lukas 2:13 - Porjanjian Boharu Torjomahan Baso Dilakng Soari-ari

¹³ Sopongirap kotiat'anam kotakng banya' boko molekat. Boko molekat nantai somuonyo momuji Allah huatan bopandir,

Lukas 2:13 ပူးပေါင်းရင်းမြစ်များ

Wahyu 5:11

Lalu, dalapm poniant'an nantai, aku mondinga' saro banya' molekat di sokolilikng tahta, boko mahluk, ongko boko pomimpitn nantai. Ado boribu-ribu molekat nantai, malahan jutaan.

Ibrani 1:14

Apo boko molekat ia'an boko roh inyo molayati Allah. Sia' diutus pakai' monulukng boko urakng inyo tajahan monorima' kosolamant'an.

Lukas 15:10

Nah, porotiancam ni'in: samo sama'an nantai jam, Allah huatan boko molekat di sorugo kotakng rindakng aman siku' urakng botongga' bulah dosa lalu hidup monyonangan Allah.”

Efesus 3:10

Apo, Allah moatur somuonyo sama'an nantai oca' watu ni'in somuo kuaso di langit ulih moniant obai Sio hala bohikmat dalapm somuo hal. Allah monunju'an nantai ko sia' molalu'i la'apo inyo Sio pulah pakai' somuo urakng inyo pocayo, urakng Yahudi ongko urakng bukainyo urakng Yahudi.

1 Petrus 1:12

Allah momadahannyo ko sia' obai polayatan sia' nantai bukainyo pakai' sia' siku', apo pakai' kaitn. Ia'an, watu ni'in Kabar Boi' mongona'i kosolamant'an nantai udah diboritoan ko kaitn. Nantai tojadi obai Roh Allah inyo diutus doi' sorugo monyoroto'i boko urakng nantai pakai' momboritoan Kabar Boi' nantai. Boko molekat pan honda' mongotohu'i mongona'i Kabar Kosolamant'an nantai.

Lukas 2:12

Ni'innam caronyo kaitn paca'an tohu borito ni'in bondar-bondar udah tojadi: Kaitn paca'an botomu siku' bobia' inyo diputut agatn lompitn diulit'an di tompat poumpatan inguan.”

Lukas 2:14

“Pujian pakai' Allah di sorugo, tompat Inyo Maho Tinggi. Sonang-asau di bumi pakai' monsio inyo monyonangan hati Allah.”

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”