Lukas 19:8 - Porjanjian Boharu Torjomahan Baso Dilakng Soari-ari

⁸ Lopas nian di rumahnyo, Zakheus bodiritn ongko bopandir ko Yesus, “Tuhatn, Aku bojanji moonju' sobagi'an doi' bando barakngku ko boko urakng jaro. Sotiap urakng inyo kalo aku kolakari, aku bojanji mombayar agi' ompat kali lipat!”

Lukas 19:8 ပူးပေါင်းရင်းမြစ်များ

Lukas 11:41

Jadi daripado bayo momborosihi tobi' luar pirikng-mangku' nian, onji'icam pomakatn inyo ado di dalapmnyo ko boko urakng jaro. Hoyu' kaitn bondar-bondar monyonangan hati Allah.

Lukas 12:33

Jadi, jualcam umputn kaitn. Ongko onju'cam duitnyo ko boko urakng jaro. Aman kaitn molabuhan hal nantai, samo sama'an kaitn bulah somacapm dompet di sorugo pakai' diri kaitn. Dompet nantai co rusa' somanah-manahnyo. Kodampuan di sorugo nantai, kinyo paca'an habis. Conyiant pongolit inyo ulih mongolitnyo. Conyiant gogat inyo ulih morusa'annyo.

Lukas 16:9

Dinga'anbo ni'in: Soharusnyo kaitn momakai kodampuan di dunia ni'in pakai' monulukng urakng bukai, oca' watu kodampuan nantai kinyo boguno agi', kaitn ditorima' dalapm sorugo.

Lukas 19:7

Apo boko urakng inyo moniant Yesus botula' ko rumah Zakheus botuta'. Kato sia', “Uai! Sio monoluntukng di rumah urakng inyo bodosa.”

Lukas 7:13

Watu Yesus moniant botina' balu nantai, Sio mooso kotakan kasih. Yesus bopandir ko botina' balu nantai, “Jadi am monangis indai.”

Lukas 7:19

Ongko Yohanes moningkau duo urakng muridnyo, huatan monyiuh sia' botula' monomu'i Tuhatn Yesus pakai' botakutn ko Sio, “Apobai Duatn ninam kila'an Rajo Inyo Dijanjian Allah, kata'an koi gola' ija' monanti kodatakan urakng bukai?”