Lukas 19:42 - Porjanjian Boharu Torjomahan Baso Dilakng Soari-ari

⁴² Kato-Nyo, “Aku kotakng boharap kaitn mongotohu'i caro inyo bulah kaitn sonang-asau. Apo watu ni'in kaitn culih mongotohu'i caro nantai.

Lukas 19:42 ပူးပေါင်းရင်းမြစ်များ

Ibrani 3:15

Sama'an pomandiran nantai am, “Pas ari ni'in, watu kaitn mondinga' saroTuhatn, jangan korikng hati sama'an angki-bayatn kaitn komai. Sia' molawatn Sio.”

Kisah Boko Rasul 10:36

Kaitn tohu obai Allah udah monyampaian Kabar Boi' ko koi banso Yahudi. Joman komai, Allah bojanji Sio paca'an moutus siku' urakng Rajo. Rajo nantai paca'an mombuka' jalatn oca' urakng ulih bodamai agatn Allah. Yesus nantai Rajo Inyo Dijanjian Allah. Yesus nantai Tuhatn inyo puku' somuo urakng di dunia.

Ibrani 3:13

Apo kaitn gola' hala monguat'an inyo bukainyo sotiap ari, somanah ija' ado kosompatan timpu joman ni'in inyo disobut ‘Sari ni'in’. Labuhan nantai oca' kinyo ado di antaro kaitn inyo ditipu ulih dosa lalu monjadi korikng hati monula' Allah.

Kisah Boko Rasul 13:46

Apo Paulus ongko Barnabas kinyo gola'. Sia' bopandir, “Yesus moutus koi pakai' monyampaian Kabar Boi' mongona'i Sio. Koi gola' monyampaian lobih doholu ko kaitn, boko urakng Yahudi. Apo kaitn co honda' monorima' nantai. Rotinyo, kaitn kinyo moanggap diri cucu' monorima' hidup somanah-manahnyo. Obai nantai, ni'inan koi moninggalan kaitn ongko botula' molayati boko banso inyo bukainyo urakng Yahudi.

Ibrani 3:7

Jadi, kaitn gola' monuruti pomandiran Roh Allah ni'in: “Sari ni'in, watu kaitn mondinga' saro Tuhatn,

Lukas 19:41

Yesus mongkitn dampikng agatn kota Yerusalem. Watu Sio moniant kota nantai, Sio salu' bondar obai boko urakng di su'utn.

Lukas 19:43

Kaitn co mongotohu'i watu Allah datakng pakai' monyolamant'an kaitn. Jadi, paca'an datakng watunyo di mono musuh kaitn tajahan mongopukng kota kaitn, bulah rintakan di sokolilikng kaitn. Sia' paca'an hala monyorakng kaitn doi' somuo arah. Sia' tajahan mohancuran kota kaitn, somuo batu tembok huatan batu bangunan paca'an diruntuhan. Somuo pondudu' paca'an dibunuh.”