Lukas 19:38 - Porjanjian Boharu Torjomahan Baso Dilakng Soari-ari

³⁸ Kato sia', “Diborokati Rajo inyo datakng agatn kuaso Tuhatn Allah! Sonang-asau di sorugo ongko topujicam Allah di tompat inyo maho tinggi.”

Lukas 19:38 ပူးပေါင်းရင်းမြစ်များ

Matius 2:2

Sia' botakutn ko boko urakng di su'utn. Kato sia', “Koi moniant sobuti' bintakng inyo timbul di doerah Timur. Koi mongotohu'i bintakng nantai ia'an tando obai ado bobia' hoyu' lahir inyo paca'an monjadi Rajo urakng Yahudi. Di mono kiro bobia' nantai? Obai, koi datakng honda' monyombah Sio.”

Matius 21:9

Banya' urakng bojalatn di pohadapan ongko di bolikat Yesus. Sia' mondongkakng-mondorah, “Hosana! Pujicam Rajo doi' koturutan Daud! Pujicam Sio inyo datakng mowakili Tuhatn Allah! Pujicam Sio di tompat inyo kotakan tinggi!”

Matius 25:34

Lalu, sobagai Rajo, Sio paca'an bopandir ko boko urakng di sopia' kanannyo, ‘Maracam, kaitn inyo diborokati ulih Bopai-Ku! Mansu'cam ko dalapm Koraja'an inyo disodiaan pakai' kaitn tangga'i dunia dipulah.

Matius 25:40

Rajo nantai, paca'an monimbas sia', ‘Pondinga'ancam! Watu kaitn molabuhan boko hal sama'an nantai pakai' salah siku' urakng doi' somadikan-Ku inyo kotakan jaro ni'in, nantai samo sama'an kaitn molabuhan boko hal nantai pakai' Aku.’

Lukas 13:35

Obai nantai, nononyo Allah tajahan co poduli ongko kinyo molinduki kaitn. Sio co molinduki agi' Rumah Allah huatan soluruh kota Yerusalem. Kaitn co tajahan moniant Aku agi' sampai kaitn bopandir mongonaꞌi Aku, ‘Sio ni'in datakng agatn kuaso Allah. Mara momuji Sio!’ ”

Roma 5:1

Watu ni'in, kito udah monjadi bondar obai kito pocayo ko Yesus. Jadi, kito ado damai agatn Allah. Nantai tojadi obai apo inyo Tuhatn Yesus Kristus labuhan pakai' kito.

Efesus 1:12

Biar am koi, inyo mulo-mulo boharap ko Kristus, momuji Allah obai komulia'an-Nyo.

Efesus 1:6

Sio molabuhan nantai oca' kito momuji kasih karunia-Nyo inyo Sio tunju'an ko kito, ia'an molalu'i la'apo inyo dilabuhan ulih Ana'-Nyo inyo dikasihi-Nyo.

Efesus 3:10

Apo, Allah moatur somuonyo sama'an nantai oca' watu ni'in somuo kuaso di langit ulih moniant obai Sio hala bohikmat dalapm somuo hal. Allah monunju'an nantai ko sia' molalu'i la'apo inyo Sio pulah pakai' somuo urakng inyo pocayo, urakng Yahudi ongko urakng bukainyo urakng Yahudi.

Efesus 3:21

Topujiam Sio obai Sio mulia! Kohonda'nyo Allah dipuji obai Kristus Yesus ongko di dalapm boko urakng inyo pocayo ko Sio. Kohonda'nyo Allah dipuji turutn-tomurutn sampai somanah-manahnyo. Amin!

Kolose 1:20

Allah pan bulah somuo hal ulih bokomboi'an agi' agatn Sio. Ia'an, somuo hal di bumi huatan di sorugo. Allah molabuhan nantai agatn darah Kristus inyo mati di kayu salib.

1 Timotius 1:17

Marabo kito mohormati ongko momuji kobosaran Allah sampai somanah-manahnyo! Sio nanam Rajo inyo momorintah somanah-manahnyo, Allah inyo kinyo ulih ditiat huatan kinyo paca'an kalo mati. Ongkah Sio nanam Allah! Amin.

1 Petrus 1:12

Allah momadahannyo ko sia' obai polayatan sia' nantai bukainyo pakai' sia' siku', apo pakai' kaitn. Ia'an, watu ni'in Kabar Boi' mongona'i kosolamant'an nantai udah diboritoan ko kaitn. Nantai tojadi obai Roh Allah inyo diutus doi' sorugo monyoroto'i boko urakng nantai pakai' momboritoan Kabar Boi' nantai. Boko molekat pan honda' mongotohu'i mongona'i Kabar Kosolamant'an nantai.