Lukas 19:29 - Porjanjian Boharu Torjomahan Baso Dilakng Soari-ari

²⁹ Timpu sia' huntu datakng di laman Betfage ongko laman Betania di sopia' bukit Jaitun, Yesus monyiuh duo urakng murid-Nyo botula' lobih doholu.

Lukas 19:29 ပူးပေါင်းရင်းမြစ်များ

Matius 21:17

Lalu Sio moninggalan sia'. Sio botula' ko luar kota Yerusalem ko laman Betania lalu bomalapm di su'utn.

Lukas 19:30

Kato-Nyo, “Botula'cam ko laman inyo di polaju kito nu'un. Aman udah datakng, kaitn duo paca'an moniant siku' koledai muda' dikobat'an di tihakng di santai. Koledai nantai bolupm kalo ditunggaki urakng. Lopasan koledai nantai lalu baba' ko si'itan.

Lukas 19:37

Watu Yesus huntu datakng di Yerusalem di jalatn inyo monurutn doi' bukit Jaitun, somuo boko murid-Nyo inyo banyaꞌ nantai bosura' agatn kotakng rindakng, momuji Allah obai somuo mujisat inyo udah sampat sia' tiat.

Lukas 21:37

Sotiap ari Yesus mongajar di tongahlamanan Rumah Allah. Sotiap malapm, Sio tidu' di bukit Jaitun di luar kota Yerusalem.

Lukas 22:39

Lopas acara makatn Paskah, Yesus botula' koluar kota samaꞌan biasonyo ko bukit Jaitun. Boko murid-Nyo tuyut jam.

Lukas 24:50

Lopas nantai Yesus mombaba' boko murid-Nyo doi' kota Yerusalem ko laman Betania. Di santai Sio moangkat longan-Nyo, lalu momborokati sia'.

Kisah Boko Rasul 1:12

Lopas nian boko rasul nantai bobali' pulakng ko Yerusalem doi' bukit Jaitun, kiro-kiro sopal jouhnyo.