Lukas 19:28 - Porjanjian Boharu Torjomahan Baso Dilakng Soari-ari

²⁸ Lopas jadi bokisah nantai, Yesus molajuan pojalatan-Nyo ko kota Yerusalem. Sio bojalatn palikng doholu. Inyo bukai mombodapan-Nyo.

Lukas 19:28 ပူးပေါင်းရင်းမြစ်များ

Lukas 9:51

Watu pakai' Yesus diangkat bobali' ko sorugo mongkitn dampikam. Jadi, Sio momutusan pakai' botula' ko kota Yerusalem.

1 Petrus 4:1

Obai Kristus udah mondorita' socaro jasmani, jadi kaitn pan gola' monguat'an diri kaitn agatn pikiran obai kaitn tajahan mondorita' samo sama'an Sio jam. Obai, urakng inyo mondorita' socaro jasmani, io udah botongga'am bulah dosa.

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.

Lukas 18:31

Yesus moningkau koduo bolas rasul oca' bokumpul di tompat husus agatn Sio. Ongko bopandir, “Dinga'anbo! Kito molajuan pojalatan kito agi' monuju kota Yerusalem. Di su'utn, tajahan tojadi sosuai agatn la'apo inyo holu udah ditulis boko nabi mongonaꞌi Ana' Monsio.

Lukas 12:50

Aku gola' ija' moalapi ajab sonsaro inyo kotakan borat. Watu ni'in Aku kotakng salu'. Aku paca'an totap salu' sampai ajab sonsaro nantai jadi.

Yohanes 18:11

Apo Yesus bopandir ko io, “Sarukan podakng nan ko sarukngnyo. Apo bai kolai pikir Aku co paca'an minum doi' cangkir pondorita'an inyo dionju' Bopai ko Aku?”

Lukas 10:30

Yesus monimbas agatn polajaran doi' sobuah poumpamoan, “Ado siku' urakng lolaki turutn doi' kota Yerusalem ko kota Yerikho. Di tongah jalatn io disorakng porampok, dirampas boko bando barakng umputnnyo sampai ko banggi-pakaian jam. Io dipantu' sampai honda' matiam, ongko ditinggalan tomolantakng di jalatn agatn boluko-luko.