Lukas 19:24 - Porjanjian Boharu Torjomahan Baso Dilakng Soari-ari

²⁴ Lopas nian io bopandir ko boko urakng inyo bodiritn di santai, ‘Kuti' duit nantai doi' io. Onju' duit nantai ko hulutn inyo bisi sopuluh pingkai' duit omas.’

Lukas 19:24 ပူးပေါင်းရင်းမြစ်များ

Lukas 12:20

Apo Allah bopandir ko urakng dampu nantai, ‘Budu bondar kolai ni'in! Malapm ni'in jam kolai paca'an mati. Sampai, somuo kongkamant inyo kolai kumpulan pakai' diri kolai siku', kinyo pakai' kolai, apo urakng bukai inyo paca'an mondapat'an somuonyo.’ ”

Lukas 16:2

Jadi urakng dampu nantai moningkau bendahara nantai. Katonyo, ‘Aku udah mondinga' borito inyo jahat mongona'i pokoroja'an kolai! Kolai paca'an ku tongga'an ongko kolai gola' moonji'i laporan ahir mongonaꞌi kodampuanku inyo kolai urus.’

Lukas 19:13

Apo sobolupm botula', io moningkau sopuluh hulutnnyo mompocayoan banyaꞌ duit ko sia', sia' siku'-monyiku' dionji'i sopingka'i duit omas. Katonyo, ‘Pakaicam duit ni'in agatn soboi'-boi'nyo pakai' bousaha pakai' aku, sampai aku pulakng.’

Lukas 19:23

Aman kolai bopikir ubo nian, soharusnyo palikng cado kolai monyimpatn duit nantai ko urakng inyo mominjapan duit, oca' watu aku pulakng, aku mondapat duitku agatn bunganyo jam.’

Lukas 19:25

Apo sia' bopandir, ‘Habakng, io udah bisi sopuluh pingkai' am.’