Lukas 19:21 - Porjanjian Boharu Torjomahan Baso Dilakng Soari-ari

²¹ obai aku gola' agatn duatn. Duatn urakng inyo kojapm. Duatn monguti' la'apo inyo sobondarnyo kinyo umputn duatn. Duatnbodapat untukng doi' pogota'an urakng bukai samo samaꞌan urakng inyo monguti' hasil lakau doi' lakau inyo kinyo io tanam.’

Lukas 19:21 ပူးပေါင်းရင်းမြစ်များ

Lukas 19:20

Hulutn inyo kotigo datakng, lalu molaporan, ‘Habakng, ni'in sopingka'i duit omas duatn. Aku monyimpatnnyo dalapm pomputut'an koitn

Lukas 19:22

Lalu, habakng nantai bopandir, ‘Kolai hulutn inyo jahat! Aku tajahan mohukupm kolai sosuai agatn pomandiran kolai nantai. Kolai mongatoan aku urakng inyo kojapm. Aku monguti' la'apo inyo sobondarnyo kinyo umputnku. Aku bodapat untukng doi' pogota'an urakng bukai samo samaꞌan urakng inyo monguti' hasil lakau doi' lakau inyo kinyo io tanam.

Roma 8:15

Komainyo, kaitn samo sama'an pacal inyo ponggola'an. Apo, Roh Allah inyo dionju' ko kaitn kinyo bulah kaitn monjadi samo sama'an nantai agi'. Roh Allah bulah kaitn monjadi poana'an Allah. Obai Roh-Nyo nantai, kito moningkau, “Oi Allah! Duatn Bopaiku!”

Roma 8:7

obai sia' bomusuhan agatn Allah. Sia' co monuruti boko porintah Allah. Malahan, sia' culihnyo monuruti boko porintah Allah.

2 Timotius 1:7

Obai Allah moonji'i Roh-Nyo ko kito bukainyo pakai' bulah kito monjadi urakng inyo ponggola'an. Apo Sio moonji'i Roh-Nyo ko kito pakai' bulah kito kuat, bulah kito ulih mongasihi huatan mongondalian diri kito.

Yakobus 2:10

Soandainyo ado urakng inyo monaati hampir somuo porintah Allah. Urakng nian bayo molanggar sobuti' porintah-Nyo. Rotinyo, io totap salah samo sama'an io molanggar somuo porintah nantai.

1 Yohanes 4:18

Di dalapm kasih conyiant inyo dikogola'i: kasih inyo sobondarnyo mohilakan ponggola' obai di dalapm ponggola' ado hukupan ongko sosopo pan inyo gola' boroti io kinyo sobondarnyo di dalapm kasih.

Yudas 1:15

Sio paca'an mohakipi somuo urakng. Sio paca'an mohukupm somuo urakng obai porbuatannyo inyo jahat. Sio paca'an mohukupm somuo urakng bodosa obai boko pomandiran jahat inyo dipandiran ko Tuhatn.”