Lukas 19:14 - Porjanjian Boharu Torjomahan Baso Dilakng Soari-ari

¹⁴ Lopas jadi bangsawatn nantai botula', boko urakng di nogorinyo bonci' agatn io, monyiuh boko utusan nantai mombodapan oca' monyampaian posatn ko kopala' ponguaso di su'utn. Kato sia', ‘Koi bolai' urakng ni'in monjadi rajo koi.’

Lukas 19:14 ပူးပေါင်းရင်းမြစ်များ

Lukas 14:32

Aman io mongotohu'i sobolupmnyo sia' culih molawatn musuhnyo nantai, io paca'an mongiripm boko utusannyo pakai' bohoupm oca' bodamai. Rajo molabuhan nantai sobolupm tontara musuhnyo tolalu dampikng.

Lukas 19:13

Apo sobolupm botula', io moningkau sopuluh hulutnnyo mompocayoan banyaꞌ duit ko sia', sia' siku'-monyiku' dionji'i sopingka'i duit omas. Katonyo, ‘Pakaicam duit ni'in agatn soboi'-boi'nyo pakai' bousaha pakai' aku, sampai aku pulakng.’

Lukas 19:15

Apo bangsawatn nantai totap diangkat monjadi rajo nogori nantai. Kali udah pulakng, io monyiuh oca' datakng ko io boko hulutn inyo dionji'i duit nantai. Io honda' tohu boropo kountukan inyo sia' dapat siku'-monyiku' pakai' io.

Lukas 19:27

Nah, ni'in mongonaꞌi boko musuhku nantai inyo kinyo honda' aku monjadi rajonyo. Baba'cam sia' ko si'itn. Bunuh somuonyo di hadapanku!’ ”

Yohanes 1:11

Sio datakng ko banso-Nyo siku', ia'an banso Yahudi. Apo sia' kinyo pocayo agatn Sio.

Yohanes 15:18

“Aman boko urakng di dunia bonci'an kaitn, jangan hiratn obai sia' komai pan bonci' agatn Aku.