Lukas 18:7 - Porjanjian Boharu Torjomahan Baso Dilakng Soari-ari

⁷ Jadi, pasti Allah inyo boi' bulah koputusan inyo adil pakai' urakng pilihan-Nyo inyo bodoa ko Sio siakng malapm. Pasti Sio tajahan co kalo landai monulukng sia'.

Lukas 18:7 ပူးပေါင်းရင်းမြစ်များ

Matius 24:22

Soandainyo, watu nantai co dipulah lobih copat, lalu co nyiant siku' urakng pan inyo botahatn hidup. Apo obai boko urakng inyo dipilih Allah, watu nantai dipulah lobih copat.

Matius 24:24

Obai paca'an ado boko urakng datakng inyo mongaku' obai dirinyo nianam Rajo Inyo Dijanjian Allah. Apo sia' co bondar. Paca'an ado boko nabi palsu jam. Boko rajo palsu huatan boko nabi palsu nantai paca'an bulah bomacapm mujisat jam. Tujuan sia' oca' monyosat'an somuo urakng, huatan soandainyo mungkitn tomansu' boko urakng inyo dipilih Allah jam.

Matius 7:11

Sodakan kaitn urakng jahat tohu moonji'i inyo boi' ko ana' kaitn. Apotolagi' Allah Bopai di sorugo! Sio paca'an moonji'i inyo boi' ko sia' inyo mominto ko Sio.”

Lukas 11:13

Biar pan kaitn urakng bodosa, kaitn pasti udah tohu moonji'i inyo boi' ko ana' kaitn. Apotolagi' Allah Bopai di sorugo! Aman urakng mominto Roh Allah, pasti Sio paca'an moonji'i ko urakng inyo mominto nantai.”

Lukas 21:28

Watu kaitn moniant somuonyo ni'in mula'i tojadi, jadi yakitn huatan pocayo cam. Boharap cam soponuhnyo, obai co manah agi' kaitn paca'an disolamant'an.”

Roma 8:33

Kito umant pilihan Allah inyo udah Sio pulah monjadi bondar di hadapan-Nyo. Jadi, conyiant ado urakng inyo ulih monyalahan kito.

Kolose 3:12

Obai nantai, hidupcam agatn caro inyo boharu. Kaitn nantai boko urakng inyo dipilih Allah, pakai' umputn Sio inyo husus huatan dikasihi-Nyo. Jadi, jadicam urakng inyo mongasihi, boi' hati, rondah hati, lomah-lombut, huatan sabar.

1 Tesalonika 3:10

Siakng-malapm koi somombondarnyo bodoa oca' koi ulih botomu agi' agatn kaitn huatan ulih moajaran boko hal inyo kaitn pontikan. Jadi, kaitn ulih pocayo ko Yesus agatn lobih kuat.

2 Tesalonika 1:6

Memang bondar Allah hala moadili monsio agatn adil. Sio paca'an mohukupm sia' inyo mondorako'i kaitn.

1 Timotius 5:5

Siku' botina' balu inyo bondar-bondar gola' ditulukng doi' jomaat ia'an botina' balu inyo hidup sonsiku'an, co nyiant koluarga pakai' monulukng io. Io boharap ko Allah. Io bodoa siakng-malapm mominto potulukan doi' Allah.

2 Timotius 1:3

Aku bosukur ko Allah inyo aku layati agatn hati nuraniku inyo suci, samo agatn inyo udah dilabuhan angki-bayatnku. Aku hala bodoa pakai' kolai siakng-malapm.

2 Timotius 2:10

Jadi, aku botahatn mohadapi somuo macapm ajab sonsaro oca' boko urakng inyo dipilih Allah dapat kosolamant'an molalu'i Kristus Yesus huatan hidup tohormat somanah-manahnyo.

Titus 1:1

Ko Titus: inyo bondar-bondar sama'an ana'ku dalapm Yesus obai kito sosamo pocayo ko Yesus. Salapm doi' aku, Paulus. Allah moutus aku monjadi polayatn-Nyo. Yesus Kristus moutus aku monjadi rasul-Nyo. Aku udah diutus pakai' monulukng boko urakng inyo dipilih Allah oca' mongkitn pocayo ko Yesus. Aku pan diutus pakai' mongajar ajaran inyo bondar oca' boko urakng inyo dipilih Allah nantai hidup sosuai agatn kohonda'-Nyo. Pondasi ajaran nantai ia'an pongharapan paca'an hidup somanah-manahnyo, inyo udah Sio janjian sobolupm dunia dipulah. Allah Ponyolamant kito, co mungkitn tumbukan. Pas watu inyo ditontuan-Nyo, Allah udah moonji'i pomandiran-Nyo molalu'i Kabar Boi' inyo udah dipocayoan ko aku pakai' kuboritoan. Aku bodoa oca' Allah Bopai kito ongko Kristus Yesus, Ponyolamant kito monunju'an kasih karunia-Nyo huatan moonji'i sonang-asau ko kolai.

1 Petrus 1:1

Surat ni'in doi' aku, rasul Petrus, inyo diutus Yesus Kristus. Surat ni'in pakai' boko urakng inyo dipilih Allah inyo tongahan morantau di doerah Pontus, Galatia, Kapadokia, Asia Kocit huatan Bitinia.

2 Petrus 3:9

Ado boko urakng inyo bopikir Tuhatn moulur-ulur monopat'i janji-Nyo. Apo sobondarnyo Sio kinyo moulur-ulur. Sio sabar agatn kaitn. Obai, Sio kinyo honda' ado urakng inyo bonaso. Sio honda' oca' somuo urakng moninggalan dosa sia' ongko hidup monyonangan Sio.

Wahyu 18:20

(Ui kaitn somuo di sorugo! Sonang-nyamancam! Ui kaitn boko urakng kudus, boko rasul, huatan boko nabi! Sonang-nyamancam! Obai, Allah udah mohukupm kota nantai sosuai agatn porbuatannyo inyo jahat agatn kaitn).

Wahyu 6:10

Dalapm poniant'anku, sia' tongahan moningkau kotakan borakng, “Oh, Tuhatn Inyo Maho Kuaso, Inyo Kudus ongko Inyo Bondar! Ija' apo manahnyo sampai Duatn paca'an mohakipi ongko mohukupm boko urakng inyo mombunuh koi?”

Wahyu 7:15

Nantai sobabnyo sia' bodiritn di pohadapan tahta Allah, hala molayati Sio siakng-malapm di Rumah Allah. Sio inyo dudu' di tahta nantai paca'an monyoroto'i ongko molinduki sia'.