Lukas 18:43 - Porjanjian Boharu Torjomahan Baso Dilakng Soari-ari

⁴³ Timpu nian jam urakng buto nantai ulihnyo moniant, io lalu tuyut Yesus kapikng momuji Allah. Watu urakng banyaꞌ nantai moniant io udah nyamanam, sia' somuo momuji Allah jam.

Lukas 18:43 ပူးပေါင်းရင်းမြစ်များ

Matius 11:5

Urakng buto moniant. Urakng lumpuh bojalatn. Urakng boponyakit kulit inyo bogola'i jadi nyamanam. Urakng tingal mondinga'. Urakng mati bobali' hidup agi'. Kabar Boi' diboritoan ko urakng jaro.

Matius 21:14

Lalu, banya' urakng buto ongko urakng timpakng datakng ko Yesus di tongahlamanan Rumah Allah nantai. Sio monyamani sia'.

Matius 9:8

Watu boko urakng moniant nantai, sia' gola' obai kuaso-Nyo. Sia' momuji Allah inyo moonji'i kuaso sama'an nantai ko monsio.

Lukas 13:17

Timpu Yesus bopandir ubo nantai, somuo urakng inyo momusuhi-Nyo mooso malu, apo inyo bukainyo rindakng obai somuo mujisat inyo dipulah Yesus.

Lukas 19:37

Watu Yesus huntu datakng di Yerusalem di jalatn inyo monurutn doi' bukit Jaitun, somuo boko murid-Nyo inyo banyaꞌ nantai bosura' agatn kotakng rindakng, momuji Allah obai somuo mujisat inyo udah sampat sia' tiat.

Lukas 4:39

Jadi Yesus mohampiki kotidu'annyo lalu mohakap ponyakit nantai. Timpu nantai jam botina' nantai nyamanam am huatan molayati sia'.

Lukas 5:26

Somuo urakng di santai hiratn, ongko momuji-muji Allah. Agatn porasa'an gola' sia' bopandir, “Ajaib bondar kojadian inyo kito tiat sari ni'in!”

Kisah Boko Rasul 11:18

Niannam inyo dikisahan Petrus di Yerusalem ko boko urakng Yahudi inyo pocayo. Jadi, sia' tongga'am monyalahan Petrus. Sobali'nyo, sia' momuji Allah. Kato sia', “Wah! Ruponyo, Allah monorima' urakng bukainyo Yahudi jam. Allah udah moonji'i kosompatan ko sia' pakai' sia' botongga' bulah dosa ongko monuruti Sio. Agatn caro nantai, sia' jam ulih mondapat'an hidup inyo somanah-manahnyo di sorugo.”

Kisah Boko Rasul 26:18

Kolai paca'an monulukng sia' oca' mongoroti jadi sia' co hidup dalapm kopocaya'an inyo salah, apo bobali' pocayo inyo bondar. Kolai paca'an monulukng sia' oca' mongoroti jadi sia' kinyo hidup dibabah kuaso Iblis agi', apo bobali' ongko hidup di babah kuaso Allah. Agatn ubo nian, aman sia' pocayo agatn Aku, ongko boko dosa sia' paca'an diamputi. Sia' mondapat tompat di antaro umant Allah.’ Nanam pomandiran Yesus ko Aku.

Kisah Boko Rasul 4:21

Urakng banya' momuji Allah moniant mujisat nantai obai urakng nantai lumpuh doi' lahir apo udah boumur lobih doi' ompat puluh tohutn hoyu' dinyamani. Jadi, boko pomimpitn urakng Yahudi nantai co ulih monomuan caro pakai' mohukupm koduo rasul nantai agatn co bulah urakng banya' godi. Koponsuahannyo boko pomimpitn urakng Yahudi nantai mombebasan koduo rasul nantai, apo totap morarakng sia' agatn ancapan ni'in: oca' sia' jangan agi' momboritoan ko urakng bukai ajaran inyo jadi diajaran Yesus.

Galatia 1:24

Jadi, sia' momuji Allah obai Allah udah morubah caro hidupku.

1 Petrus 2:9

Apo kaitn nam banso inyo dipilih Allah. Kaitn nam boko urakng inyo molayati Kristus, samo sama'an boko imam molayati rajo. Kaitn nam umant husus umputn Allah, boko urakng inyo ado hubukan agatn Allah siku'. Allah momilih kaitn oca' kaitn ulih momboritoan mongona'i somuo porbuatan bosar inyo Sio labuhan, ia'an Sio inyo moningkau kaitn koluar doi' kogolapan, lalu mansu' ko dalapm torakng-Nyo inyo luar biaso. Samo sama'an inyo totulis di dalapm Buku Suci,