Lukas 18:32 - Porjanjian Boharu Torjomahan Baso Dilakng Soari-ari

³² Io paca'an disorahan ko boko urakng inyo bukainyo urakng Yahudi. Boko urakng nantai paca'an boulu'an, mohayam, moigahi-Nyo.

Lukas 18:32 ပူးပေါင်းရင်းမြစ်များ

Lukas 23:11

Lalu Herodes ongko boko projuritnyo mohayam Yesus. Sia' boulu'an Yesus agatn mongona'an jubah rajo ko Sio. Lalu, Herodes monyiuh boko projurit mombaba' Yesus bobali' ko Pilatus.

Kisah Boko Rasul 3:13

Urakng inyo kaitn tiat huatan udah kaitn konal ni'in nyamanam agatn kuaso Yesus. Io nyamanam obai io huatan koi samo-samo pocayo ko kuaso Yesus. Allah udah bulah Yesus sangant tohormat. Yesus nantai Hulutn Allah, Allah inyo disombah angki-bayatn kito Abrahapm, Ishak ongko Yakub. Apo kaitn mombaba' Yesus ko gubernur Pilatus oca' Sio dihukupm mati. Pilatus nantai udah momotusan pakai' mombebasan Sio. Apo kaitn monula' Sio ongko minto oca' Pilatus mombebasan siku' urakng pombunuh pakai' kaitn daripado mombebasan Yesus. Sio nantai Inyo Suci huatan Inyo Bondar. Jadi, sobondarnyo kaitn mombunuh Sio inyo Puku' hidup. Apo Allah udah bulah Sio hidup agi' doi' komatian. Koi duo udah tohu hal nantai bondar obai koi tiat agatn mato kopala' koi siku'.

Markus 14:65

Lalu boboropo urakng moigahi Yesus. Sia' monutup mato-Nyo huatan bodularan Sio. Sia' mohanyam Sio agatn bopandir, “Aman Duatn bondar-bondar nabi, butianbo, sopo inyo bodularan Duatn?” Boko ponjago nantai pan jumpat monompilikng Yesus.

Matius 26:67

Lalu sia' moigahi mato-muho Yesus ongko monompilikng-Nyo. Boko urakng bukainyo boduda'an Sio.

Matius 16:21

Mula'i doi' watu nantai, Yesus monjolasan ko boko murid-Nyo obai Sio gola' botula' ko Yerusalem. Boko pomimpitn banso Yahudi, boko imam kopala', huatan boko guru agama Yahudi paca'an bulah Sio ajab sonsaro. Sio paca'an dibunuh apo Allah paca'an bulah Sio bobali' hidup timpu ari kotigo.

Kisah Boko Rasul 2:23

Biar pan kaitn mongotohu'i nantai, kaitn monyorahan Sio ko boko urakng inyo kinyo mongonal Allah. Kohonda' kaitn oca' Sio dihukupm mati di kayu salib. Apo somuonyo nantai tojadi sosuai agatn kohonda' Allah. Hajat Allah nantai udah ditotapan-Nyo doi' joman komaimo.

Yohanes 18:35

Kato Pilatus, “Aku bukainyo urakng Yahudi! Banso kolai siku' huatan boko imam kopala' inyo monyorahan kolai ko aku. Kosalahan lapo inyo udah kolai labuhan?”

Yohanes 18:30

Timbas sia', “Soandainyo Urakng ni'in co bosalah koi co mombaba'-Nyo ko duatn.”

Yohanes 18:22

Ado ponjago inyo bodiritn di santai. Pas Yesus bopandir bunyi nantai, io monompilikng mato-muho Yesus. Katonyo, “Jangan bopandir ubo nian agatn Imam Agukngnan!”

Lukas 23:35

Urakng banyaꞌ bodiritn di santai moniant la'apo inyo tojadi. Boko pomimpitn urakng Yahudi boulu'an Yesus. Kato sia', “Aman Urakng ni'in bondar-bondar Rajo Inyo Dijanjian Allah, Urakng Inyo Dipilih Allah sampai Sio ulih monyolamant'an urakng bukai, biaram Sio ni'in monyolamant'an diri-Nyo siku' jam.”

Lukas 23:1

Somuo urakng dalapm potomuan nantai bodiritn, lalu mombaba' Yesus ko Pilatus, gubernur doerah Yudea.

Matius 27:2

Sia' mongobat Sio, mombaba'-Nyo, lalu monyorahan-Nyo ko Pilatus, gubernur propinsi nantai.

Yohanes 18:28

Sunsukng pukau, boko sia' urakng Yahudi nantai mombaba' Yesus doi' rumah Kayafas ko istana gubernur, pomorintahan Romawi. Sia' co mansu' ko dalapm istana nantai. Sia' co honda' monjadi kotor socaro agama obai sia' honda' jumpat makatn pas Ari Rayo Paskah.

Markus 15:1

Kotakan sunsukng-pukau, somuo Mahkamah agama Yahudi bokumpul, tomansu' boko imam kopala', boko pomimpitn banso Yahudi huatan boko guru agama Yahudi. Sia' mombulah koputusan oca' Yesus dihukupm mati. Jadi, sia' mongobat jari Yesus momakai rantai lalu mombaba'-Nyo ko gubernur Pilatus. Timpu sia' monyorahan Yesus ko Pilatus,

Matius 20:19

Lalu sia' paca'an monyorahan Sio ko boko urakng inyo bukainyo urakng Yahudi oca' Sio dipoulu'an, disipat, dipantu' lalu dibunuh di kayu salib. Apo watu ari kotigo, Allah paca'an bulah Sio bobali' hidup agi'.”

Matius 22:6

Malahan ado inyo bukai sampai monangkap boko hulutn rajo nantai. Sia' mondorako'i huatan mombunuh boko hulutn nantai.

Lukas 18:33

Sia' paca'an momantu huatan mombunuh-Nyo. Apo tigo ari lopas nian, Io tajahan hidup agi'.”

Yohanes 18:32

(Nantai tojadi oca' pomandiran Yesus monjadi nyata, ia'an nantai pomandiran Yesus mongona'i caronyo Sio paca'an mati).