Lukas 18:23 - Porjanjian Boharu Torjomahan Baso Dilakng Soari-ari

²³ Mondingaꞌ pomandiran Yesus, io kotakng kocewa, obai io kotakng dampu. Io kinyo honda' monjual boko bando barakngnyo.

Lukas 18:23 ပူးပေါင်းရင်းမြစ်များ

1 Yohanes 2:15

Jangan moncintai dunia ni'in damo lapo pan inyo ado di dalapm dunia ni'in. Aman urakng moncintai dunia, rotinyo io co moncintai Allah Bopai.

Lukas 21:34

“Jagocam diri kaitn. Jangan sampai ado boko hal di dunia ni'in inyo moncaci' pikiran kaitn, ubo mabu', porbuatan jahat inyo dilabuhan aman udah komabu'an, boko mosalah kohidupan ni'in. Aman pikiran kaitn samaꞌan nian, nononyo kaitn co siap timpu ari nantai datakng. Obai ari nantai tajahan datakng pakai' somuo urakng, conyiant inyo tohu, samo samaꞌan joyat ntobukan mongujut bonatakng.

Lukas 12:15

Ongko Yesus bopandir ko somuo urakng di santai, “Boboi'cam! Jagocam diri kaitn doi' somuo macapm kotama'an. Obai hidup inyo sobondarnyo samo sokali kinyo bogantukng agatn banyaꞌnyo kodampuan.”

Lukas 8:14

Bonih inyo jatu' di tongah rado duri samo sama'an boko urakng inyo mondingaꞌ pomandiran Allah, apo manah komanahannyo, sia' mula'i hala momikiran bogoyap kodampuan huatan kosonangan di dunia ni'in. Somuo hal nantai mongopih sia' sampai kinyo hidup sosuai agatn pomandiran Allah. Samo sama'an tontanaman dikopihan rado duri sampai kinyo mohasilan buah inyo mansa'.

Markus 10:22

Mondinga' porintah Yesus nantai, io kotakng kocewa. Io moninggalan tompat nantai agatn hati inyo kotakng salu', obai io kotakng dampu.

Matius 19:22

Mondinga' pomandiran Yesus nantai, io monjadi kotakng salu' ongko moninggalan Yesus, obai io kotakng dampu.

Kolose 3:5

Obai nantai, kaitn gola' momastian caro hidup kaitn inyo manah nantai bondar-bondar udah mati. Jangan dikuaso'i boko kohonda' duniawi, sama'an: bomporajoan, boko kolaku'an inyo kinyo sonunuh, hawa napsu, kohonda' jahat, kaha' agatn duit. Kohonda' pakai' duit nantai samo ja'am agatn monyombah boko duato.

Filipi 3:8

Malahan aku moanggap la'apo pan conyiant ado rotinyo dibandikan agatn mongonal Kristus Yesus, Tuhatnku. Nantai jouh lobih pontikng daripado somuo hal inyo bukai. Nantaiam sobabnyo aku co boharap agi' ko boko hal nantai. Aku moanggap somuo hal nantai samo sama'an sampah oca' aku ulih mongonal Kristus,

Efesus 5:5

Kotohu'i cam ni'in: urakng inyo bulah dosa bomporajoan, urakng inyo bulah boko hal inyo kinyo sonunuh, urakng inyo kaha'-kolobu' (kaha'-kolobu' nantai rotinyo monjadian boko kohonda'-Nyo samo sama'an tuhatn sia'), somuo sia' kinyo ulih monjadi anggota Koraja'an Kristus huatan Allah.

Lukas 19:8

Lopas nian di rumahnyo, Zakheus bodiritn ongko bopandir ko Yesus, “Tuhatn, Aku bojanji moonju' sobagi'an doi' bando barakngku ko boko urakng jaro. Sotiap urakng inyo kalo aku kolakari, aku bojanji mombayar agi' ompat kali lipat!”

Lukas 18:22

Mondingaꞌ nantai, Yesus bopandir ko io, “Ongkah ado sobuti' agi' inyo kurakng bolupm kolai labuhan. Pulakngcam, jual somuo umputn kolai. Ongko pombagi-bagian duitnyo ko boko urakng jaro. Aman dipulah samaꞌan nian, kolai tajahan bodapat kodampuan di sorugo. Lopas jadi kolai molabuhan somuo nantai, datakng jam agi' ko Aku, pakai' jadi murid-Ku.”

Lukas 18:24

Yesus moncorona'i pomimpitn inyo dampu nantai, lalu bopandir, “Uyuh bondar pakai' urakng dampu monjadi anggota koluarga Koraja'an Allah!