Lukas 18:16 - Porjanjian Boharu Torjomahan Baso Dilakng Soari-ari

¹⁶ Apo Yesus moningkau boko bobia' nantai datakng ko Sio, ongko bopandir ko boko murid-Nyo, “Biaran jam boko bobia' nantai datakng ko Aku! Jangan morarakng sia'. Obai urakng sama'an ninam inyo monjadi anggota koluarga Koraja'an Allah.

Lukas 18:16 ပူးပေါင်းရင်းမြစ်များ

1 Korintus 14:20

Boko somadikan, jadicam sama'an boko bobia' dalapm hal kojahatan obai boko bobia' kinyo tohu porbuatan jahat. Apo jangan monjadi sama'an boko bobia' dalapm kaitn bopikir mongona'i boko komampuan husus doi' Roh Allah. Dalapm hal nantai, kaitn gola' bopikir agatn pintar-corodi' sama'an urakng tuho.

1 Korintus 7:14

Obai siku' urakng lolaki inyo bolupm pocayo udah monjadi umputn Allah obai bininyo pocayo. Ubo nian jam siku' urakng bini inyo bolupm pocayo udah monjadi umputn Allah obai lakinyo pocayo. Aman cado ubo nian, poana'an sia' pan co monjadi umputn Allah. Apo sobondarnyo poana'an sia' udah monjadi umputn Allah jam.

1 Petrus 2:2

Aman kaitn bobondar udah moalapi obai Tuhatn nantai boi', jadi kaitn gola' ado kohonda' bolajar lobih dalapm mongona'i ajaran inyo bondar, ia'an Pomandiran Allah. Samo sama'an bobia' inyo hoyu' lahir honda'an susu inyo murni. Agatn ubo nian, kaitn tajahan tumbuh di dalapm Kristus ongko disolamant'an.

Kisah Boko Rasul 2:39

Obai Roh nantaiam Allah janjian ko kaitn, ko boko poana'an kaitn, huatan ko boko urakng di tompat inyo jouh, ia'an somuo urakng inyo ditingkau Tuhatn Allah kito pakai' monjadi umant-Nyo.”

Matius 19:14

Apo Yesus bopandir, “Biaran ja'am boko bobia' kocit nantai datakng ko Aku! Jangan morarakng sia'. Obai boko urakng inyo monjadi samo sama'an boko bobia' kocit ni'in ia'an anggota koluarga Koraja'an Sorugo”

Lukas 18:15

Ado boko urakng mombaba' boko bobia' kocit datakng ko Yesus oca' Sio moncama' huatan momborokati sia'. Watu boko murid-Nyo moniant hal nantai, sia' monogur boko urakng inyo mombaba' boko bobia' nantai.

Lukas 18:17

Aku bopandir ko kaitn: Aman urakng kinyo monorima' Koraja'an Allah samaꞌan siku' bobia' kocit, pasti io co tajahan monjadi anggota koluarga Koraja'an Allah.”