Lukas 18:1 - Porjanjian Boharu Torjomahan Baso Dilakng Soari-ari

¹ Yesus momakai poumpamoan ni'in pakai' mongajar boko murid-Nyo oca' hala bodoa huatan co putus asa, obai doanyo tajahan dikabulan.

Lukas 18:1 ပူးပေါင်းရင်းမြစ်များ

Lukas 11:10

Obai sotiap urakng inyo mominto paca'an monorima'; sotiap urakng inyo bogoyap tajahan bodapat; huatan lawakng tajahan dibuka'an pakai' sotiap urakng inyo mongetok.”

Lukas 21:36

Jadi, kaitn gola' hala monjago diri. Bodoacam oca' kaitn totap pocayo ko Allah, watu kaitn mohadapi ajab sonsaro inyo co manah agi' tajahan tojadi. Lalu kaitn paca'an tenang watu Ana' Monsio bobali' ko dunia ni'in, moadili somuo urakng am.”

Roma 12:12

Sonang-nyamancam obai kaitn yakitn boharap ko Tuhatn. Kaitn gola' botahatn mohadapi ajab sonsaro ongko hala bodoa.

2 Korintus 4:1

Allah monunju'an kasih sayang-Nyo dalapm polayatan ni'in ko koi. Obai nantai, koi co putus asa.

Galatia 6:9

Obai nantai, jangan botongga' bulah koboi'an. Pado watu inyo ditontuan Allah, kito paca'an mondapat'an somuo inyo dijanjian-Nyo. Kito paca'an mondapat'annyo, aman kito kinyo botongga' bulah koboi'an.

Efesus 6:18

Kaitn gola' hala waspada oca' sotiap watu kaitn ulih bodoa agatn dibimbikng Roh Allah. Pakaicam somuo macapm doa huatan pomuhunan ko Allah. Jangan botongga' bodoa pakai' somuo urakng inyo pocayo.

Filipi 4:6

Jangan gola' mongona'i lapo pan, apo bodoacam mongona'i la'apo pan. Agatn oso sukur, padahan cam ko Allah lapo inyo honda' kaitn pinto.

Kolose 4:12

Salapm doi' Epafras, inyo boasal doi' tompat kaitn jam. Io molayati Kristus Yesus. Io hala bodoa agatn somombondarannyo pakai' kaitn oca' kaitn totap kuat pocayo ko Yesus. Io bodoa oca' kaitn monjadi kotakng yakitn mongona'i somuo inyo dikohonda'i Allah.

Kolose 4:2

Bodoacam agatn somombondarannyo. Dalapm doa kaitn, gola' hala bososiap huatan bosukur ko Allah.

1 Tesalonika 5:17

Hala bodoa.