Lukas 17:7 - Porjanjian Boharu Torjomahan Baso Dilakng Soari-ari

⁷ “Soumpamonyo siku' urakng di antaro kaitn bisi siku' urakng hulutn inyo bogai di lakau kaitn damo mongombolo boko domba kaitn. Lopas jadi hulutn nantai pulakng doi' pokoroja'annyo, pasti kaitn kinyo bopandir ko io, ‘Huncapm! Torahatcam, makatn holu'ai!’

Lukas 17:7 ပူးပေါင်းရင်းမြစ်များ

Matius 12:11

Apo Yesus bopandir ko sia', “Aman, umpamonyo, ado di antaro kaitn ado siku' domba. Aman domba nantai jatu' ko dalapm lubakng timpu Ari Sabat, pasti kaitn paca'an bokorojo mongoluaran domba nantai doi' dalapm lubakng nantai.

Lukas 13:15

Lalu Tuhatn Yesus bopandir ko io huatan somuo urakng inyo bopikir samo samaꞌan io, “Kaitn boko urakng inyo pompadah boi', apo sobondarnyo jahat! Sotiap ari, tomansu' Ari Sabat, kaitn molopasan sapi damo koledai doi' kandakannyo, mombaba'nyo ko luar oca' sia' ulih minum ara'i. Nantai pan pokoroja'an jam.

Lukas 14:5

Lalu Yesus bopandir ko sia', “Aman, soumpamonyo, ana' kaitn damo sapi kaitn jatu' ko dalapm lubakng timpu Ari Sabat, pasti kaitn lansukng mongguakngnyo timpu ari nian jam.”

Lukas 17:26

Koadaan dunia timpu Ana' Monsio honda' datakng, paca'an samo ubo koadaan dunia timpu joman Nuh.

Lukas 17:6

Timbas Yesus, “Aman iman kaitn ado sobosar bigi' sonsabi inyo kotakng kocit pan, soandainyo kaitn monyiuh tontanaman ni'in tocabut doi' tanah sampai ko akarnyo, ongko totanam di lout. Tontanaman ni'in pan tundu' agatn porintah kaitn.”

Lukas 17:8

Malah sobali'nyo. Kaitn paca'an bopandir ko io, ‘Gonti pakai'an kolai pakai' molayati aku. Siap'an pomakatn pakai' aku. Lopas jadi aku makatn-minum, hoyu' kolai ulih makatn.’