Lukas 17:6 - Porjanjian Boharu Torjomahan Baso Dilakng Soari-ari

⁶ Timbas Yesus, “Aman iman kaitn ado sobosar bigi' sonsabi inyo kotakng kocit pan, soandainyo kaitn monyiuh tontanaman ni'in tocabut doi' tanah sampai ko akarnyo, ongko totanam di lout. Tontanaman ni'in pan tundu' agatn porintah kaitn.”

Lukas 17:6 ပူးပေါင်းရင်းမြစ်များ

Matius 14:29

Kato Yesus, “Kosi'itn cam!” Jadi Petrus turutn doi' porohu, bojalatn di pucu' ara'i mondataki Yesus.

Matius 17:20

Yesus monimbasi sia', “Kaitn kinyo ulih monundukng roh jahat nantai obai kaitn kurakng pocayo. Dinga'anbo ni'in: Aman kaitn pocayo sodikit ja', soumpamo kaitn monyiuh bukit ni'in, ‘Pindahcam ko su'utn!’ Ongko bukit ni'in paca'an pindah. Aman kaitn pocayo sama'an nantai, kinyo paca'an ado sosuatu inyo kinyo ulih kaitn pulah. [

Matius 21:21

Timbas Yesus ko sia', “Dinga'anbo! Aman kaitn ulih pocayoam ongko co gangga'-gua'an, bulah mujisat sama'an la'apo inyo Aku labuhan ko kayu ara nantai. Apo bukainyo bayo nian ja'. Soumpamonyo kaitn monyiuh bukit ni'in, ‘Toangkat lalu tobuakng ko dalapm lout!’ Jadi hal nantai paca'an tojadi.

Markus 4:31

Koraja'an Allah samo sama'an bigi' sonsabi inyo diabur. Memang bigi' nantai inyo kotakan kocit doi' somuo jonis bonih di bumi.

Markus 9:23

Apo Yesus monogur io, “Kulo bopandir, Aman Duatn ulih? Somuo ulih dilabuhan tiap urakng inyo pocayo.”

Lukas 13:19

Koraja'an Allah soumpamo bigi' kocit inyo ditanam di kobutn. Bigi' nantai lantakng, monjadi tontanaman bosar, sampai boko burukng bulah sayakngnyo di boko dahatn tontanaman nantai.”

Lukas 17:7

“Soumpamonyo siku' urakng di antaro kaitn bisi siku' urakng hulutn inyo bogai di lakau kaitn damo mongombolo boko domba kaitn. Lopas jadi hulutn nantai pulakng doi' pokoroja'annyo, pasti kaitn kinyo bopandir ko io, ‘Huncapm! Torahatcam, makatn holu'ai!’

Lukas 19:4

Jadi, io monggidi'an mondoholu'i urakng banya' nantai, lalu noi' ko kayu ara, oca' ulih moniant Yesus inyo co manah agi' tajahan lalu di santai.

Lukas 7:13

Watu Yesus moniant botina' balu nantai, Sio mooso kotakan kasih. Yesus bopandir ko botina' balu nantai, “Jadi am monangis indai.”

Lukas 7:19

Ongko Yohanes moningkau duo urakng muridnyo, huatan monyiuh sia' botula' monomu'i Tuhatn Yesus pakai' botakutn ko Sio, “Apobai Duatn ninam kila'an Rajo Inyo Dijanjian Allah, kata'an koi gola' ija' monanti kodatakan urakng bukai?”

1 Korintus 13:2

Soandainyo aku dionji'i komampuan husus pakai' monyampaian posatn-pontal doi' Allah, soandainyo aku mongoroti somuo hajat Allah inyo bolupm dipadahan ko urakng bukai, soandainyo aku mongotohu'i somuo hal, soandainyo aku pocayo agatn kotakng kuat singgatn aku ulih momindahan bukit ko tompat bukai, apo aman aku kinyo mongasihi urakng bukai, aku kinyo boguno.