Lukas 17:26 - Porjanjian Boharu Torjomahan Baso Dilakng Soari-ari

²⁶ Koadaan dunia timpu Ana' Monsio honda' datakng, paca'an samo ubo koadaan dunia timpu joman Nuh.

Lukas 17:26 ပူးပေါင်းရင်းမြစ်များ

2 Petrus 2:5

Huatan jam, pado joman Nuh komai, ado boko urakng inyo molawatn Allah. Allah totap mohukupm sia'. Sio mombulah pasakng bosar sampai somuo sia' mati lomas. Sio ongkah monyolamant'an Nuh huatan tujuh urakng bukai, obai Nuh momboritoan mongona'i caro hidup inyo bondar di hadapan Allah.

Ibrani 11:7

Obai Nuh pocayo, jadi io monaati Allah. Timpu nantai, Allah monohu'i io mongona'i malopotako inyo tajahan tojadi nononyo inyo bolupm ulih ditiatnyo. Nuh monaati Allah sampai io mombulah porohu bosar inyo monyolamant'an io ongko koluarganyo. Agatn sama'an nantai, dunia dihukupm apo Nuh monjadi bondar di hadapan Allah obai io pocayo.

Lukas 17:22

Lalu Yesus bopandir ko boko murid-Nyo, “Ana' Monsio gola' ajab sonsaro kotakng banyaꞌ boko urakng dijoman ni'in tajahan monula' Io. Jadi, tajahan ado watu nononyo, kaitn honda' moniant biar bayo soari pan, doi' boko ari Ana' Monsio momorintah di dunia ni'in. Apo kaitn kinyo paca'an moniantnyo. Jadi, nononyo aman ado urakng inyo bopandir, ‘Tiat! Sio ado di si'itn.’ Damo Sio ado di su'utn, pasti tumbukan. Jadi, pompadohan tuyut sia'. Obai timpu ana' monsio bobali' ko dunia ni'in, somuo urakng ulih moniant kodatakan nantai agatn jolas. Samo sama'an kilat momanjah ongko bulah somuo langit torakng. Ubo niannam kodatakan Ana' Monsio.

2 Petrus 3:6

Sama'an nian jam, Allah molonyapan bumi watu joman nantai agatn ara'i molalu'i pasakng bosar.

Lukas 18:8

Aku bopandir ko kaitn: Allah pasti janjakng molabuhan la'apo inyo adil pakai' sia'. Apo watu Ana' Monsio datakng bobali' ko dunia ni'in, bolupm pasti apobai Io monomu'i banya' urakng inyo totap pocayo ko Io.”

Lukas 17:7

“Soumpamonyo siku' urakng di antaro kaitn bisi siku' urakng hulutn inyo bogai di lakau kaitn damo mongombolo boko domba kaitn. Lopas jadi hulutn nantai pulakng doi' pokoroja'annyo, pasti kaitn kinyo bopandir ko io, ‘Huncapm! Torahatcam, makatn holu'ai!’

Lukas 17:27

Urakng makatn, minum, kawitn-mongawitan, sampai watu arinyo Nuh huatan koluarganyo mansu' ko dalapm porohunyo inyo rayo nantai. Lopas nian tojadi pasakng rayo mombonasoan somuo sia'.