Lukas 17:22 - Porjanjian Boharu Torjomahan Baso Dilakng Soari-ari

^22-25 Lalu Yesus bopandir ko boko murid-Nyo, “Ana' Monsio gola' ajab sonsaro kotakng banyaꞌ boko urakng dijoman ni'in tajahan monula' Io. Jadi, tajahan ado watu nononyo, kaitn honda' moniant biar bayo soari pan, doi' boko ari Ana' Monsio momorintah di dunia ni'in. Apo kaitn kinyo paca'an moniantnyo. Jadi, nononyo aman ado urakng inyo bopandir, ‘Tiat! Sio ado di si'itn.’ Damo Sio ado di su'utn, pasti tumbukan. Jadi, pompadohan tuyut sia'. Obai timpu ana' monsio bobali' ko dunia ni'in, somuo urakng ulih moniant kodatakan nantai agatn jolas. Samo sama'an kilat momanjah ongko bulah somuo langit torakng. Ubo niannam kodatakan Ana' Monsio.

Lukas 17:22 ပူးပေါင်းရင်းမြစ်များ

Lukas 5:35

Apo watunyo paca'an datakng, pongantitn lolaki dikuti' doi' sia'. Watu nantai, sia' paca'an bopuaso.”

Matius 9:15

Timbas Yesus ko sia', “Dalapm poumpamoan ni'in watu pongantitn lolaki ado bosamo agatn pokawalannyo di pogai kawitn, pasti sia' kinyo salu'. Apo watunyo paca'an datakng, pongantitn lolaki dikuti' doi' sia'. Watu nantai, sia' paca'an bolampah.

Yohanes 13:33

Poana'an-Ku, ija' bayo sobontar cam Aku ado bosamo kaitn. Lopas nantai, kaitn paca'an monggoyapi-Ku. Huatan, samo sama'an inyo udah Ku pandiran ko boko pomimpitn agama Yahudi, watu ni'in pan Aku bopandir ko kaitn: Kaitn culih datakng ko tompat Aku botula'.

Markus 2:20

Apo watunyo tajahan datakng, pongantitn lolaki dikuti' doi' sia'. Watu nantai, sia' tajahan bopuaso.

Yohanes 12:35

Kato Yesus ko sia', “Torakng nantai kinyo manaham ado di antaro kaitn. Jadi, kaitn gola' bojalatn somanahan Torakng nantai totap ado, oca' potakng co monguaso'i kaitn. Urakng inyo bojalatn di dalapm potakng kinyo tohu ko mono io botula'.

Lukas 13:35

Obai nantai, nononyo Allah tajahan co poduli ongko kinyo molinduki kaitn. Sio co molinduki agi' Rumah Allah huatan soluruh kota Yerusalem. Kaitn co tajahan moniant Aku agi' sampai kaitn bopandir mongonaꞌi Aku, ‘Sio ni'in datakng agatn kuaso Allah. Mara momuji Sio!’ ”