Lukas 17:2 - Porjanjian Boharu Torjomahan Baso Dilakng Soari-ari

² Jadi, lobih boi' pakai' sia' aman batu bosar dikokalai ongko dikobat'an ko lihi'nyo, ongko dibuakan ko dalapm lout oca' sia' mati daripado mombulah salah siku' doi' boko urakng inyo kinyo pontikng ni'in bodosa.

Lukas 17:2 ပူးပေါင်းရင်းမြစ်များ

Matius 17:27

Apo jangannam kito monyinggukng boko ponagih pajak nantai. Jadi, botula'cam ko danau ongko mongoil. Watu kolai bulih ikatn inyo potamo, buka'cam nyao ikatn nantai. Kolai paca'an monomuan ompat pingkai' duit pira' inyo cukup pakai' duo urakng mombayar pajak nantai. Onju' cam duit nantai ko sia' pakai' mombayar pajak kito duo.”

Matius 18:10

Ingantcam, jangan mohayam salah siku' doi' boko urakng kocit ni'in. Obai, dinga'anbo ni'in: Ado boko molekat di sorugo inyo monjago'i sia'. Boko molekat nantai hala ado di hadapan Bopai-Ku di sorugo. [

Matius 18:14

Ubo nian jam Bopai kaitn di sorugo kinyo honda' salah siku' bobia' kocit sosat.

Matius 26:24

Udah totulis dalapm Buku Suci mongona'i Ana' Monsio inyo paca'an dijual ko boko urakng inyo molawatn Sio. Sosuai agatn tulisan nantai, hal nantai paca'an tojadi ko Sio. Apo Allah paca'an mohukupm urakng inyo molabuhan nantai. Lobih boi' pakai' urakng nantai aman io kinyo kalo dilahiran samo sokali!”

Markus 9:42

Yesus pan bopandir, “Aman ado urakng inyo mombulah siku' doi' boko bobia' kocit inyo pocayo ko aku oca' bulah dosa, jadi lobih boi' pakai' io aman ado batu bosar dikobat'an di lihi'nyo ongko ditonggolapan ko dalapm lout.

Yohanes 21:15

Lopas sia' jadi makatn, Yesus bopandir ko Simon Petrus, “Simon, ana' Yohanes, kolai mongasihi Aku lobih doi' sia' ni'in kata'an cadoai?” Timbas Petrus ko Sio, “Bondar Tuhatn! Duatn tohu obai aku mongasihi Duatn. Kato Yesus ko io, kobolocam boko domba-Ku.”

1 Korintus 9:15

Apo aku co kalo monuntut hak nantai. Aku pan kinyo monulisan ni'in oca' kaitn mula'i moonji'i bantu'an ko aku. Lobih boi' aku mati daripado nantai. Co nyiant urakng inyo ulih mohilakan porasa'an bompangkakanku nantai.

1 Korintus 9:22

Aman aku bosamo agatn boko urakng inyo lomah, aku hidup samo sama'an urakng inyo lomah. Aku molabuhan nantai oca' monulukng sia' pakai' pocayo ko Yesus lobih kuat. Pokoknyo, aku monyosuaian diri agatn caro hidup somuo urakng inyo aku layati. Aku molabuhan nantai oca' ado boboropo urakng di antaro sia' inyo disolamant'an.