Lukas 16:9 - Porjanjian Boharu Torjomahan Baso Dilakng Soari-ari

⁹ Dinga'anbo ni'in: Soharusnyo kaitn momakai kodampuan di dunia ni'in pakai' monulukng urakng bukai, oca' watu kodampuan nantai kinyo boguno agi', kaitn ditorima' dalapm sorugo.

Lukas 16:9 ပူးပေါင်းရင်းမြစ်များ

Matius 19:21

Kato Yesus ko io, “Aman kolai honda' monaati Allah agatn boi', pulakngcam, jual somuo umputn kolai. Lalu pombagi-bagian duitnyo ko boko urakng jaro. Agatn ubo nian, kolai paca'an bodapat kodampuan di sorugo. Lopas kolai molabuhan somuonyo nantai, datakngcam agi' ko si'itn, lalu tuyut Aku cam”

Matius 6:19

“Jangan mongumpulan kodampuan pakai' diri kaitn di dunia ni'in. Bubu' ongko togar morusa' bando barakng di dunia ni'in. Apotolagi', pongolit ulih mansu' ko tompat ponyimpatan bando barakng nantai ongko mongolitnyo.

Matius 6:24

“Co mungkitn siku' urakng hulutn bokorojo pakai' duo urakng habakng. Aman io molabuhan hal nantai, io bayo paca'an mongasihi salah siku' habakngnyo apo bonci' agatn inyo siku'nyo. Io bayo paca'an sotia ko siku' habakng, apo kinyo sotia agatn inyo siku'nyo. Ubo nian jam agatn kaitn. Co mungkitn kaitn monjadi hulutn Allah huatan co mungkitn monjadi hulutn kodampuan kaitn.”

Lukas 11:41

Jadi daripado bayo momborosihi tobi' luar pirikng-mangku' nian, onji'icam pomakatn inyo ado di dalapmnyo ko boko urakng jaro. Hoyu' kaitn bondar-bondar monyonangan hati Allah.

Lukas 12:33

Jadi, jualcam umputn kaitn. Ongko onju'cam duitnyo ko boko urakng jaro. Aman kaitn molabuhan hal nantai, samo sama'an kaitn bulah somacapm dompet di sorugo pakai' diri kaitn. Dompet nantai co rusa' somanah-manahnyo. Kodampuan di sorugo nantai, kinyo paca'an habis. Conyiant pongolit inyo ulih mongolitnyo. Conyiant gogat inyo ulih morusa'annyo.

Lukas 16:11

Jadi, aman kaitn bolupm ulih dipocayo agatn kodampuan di dunia ni'in, pasti kaitn co paca'an ulih dipocayo agatn kodampuan inyo bondar di sorugo.

Lukas 16:13

Co mungkitn siku' hulutn molayati duo habakng. Aman io molabuhan hal nantai, io paca'an bayo mongasihi salah siku' habakng apo mombonci' io siku'nyo. Io paca'an bayo taat ko siku' habakng, apo co taat ko io siku'nyo. Ubo nian jam kaitn. Co mungkitn kaitn monjadi hulutn Allah timpu inyo samo kaitn pan monjadi hulutn kodampuan.”

Lukas 16:4

‘Nah, aku ado akal! Aku paca'an bulah ado aja', oca' boko urakng paca'an monorima' aku dalapm rumah huatan monulukngku watu aku ditongga'an nononyo.’

Kisah Boko Rasul 10:31

Kato molekat nantai, ‘Kornelius, Allah mondinga' doa kolai. Allah pan sonang obai kolai opat moonji'i duit ko boko urakng jaro.

Kisah Boko Rasul 10:4

Io kotakan gola', moniant molekat nantai. Io botakutn, “Ado la'apo Habakng?” Molekat nantai monimbas, “Kolai monyonangan Allah obai kolai sotia bodoa ko Sio. Kolai opat moonji'i duit ko boko urakng jaro. Boko hal nantai monjadi sama'an posombahan kolai ko Allah. Obai nantai, Allah moingant kolai.

2 Korintus 4:17

Pondorita'an inyo koi hadapi watu ni'in bayo somontaromo. Apo hasilnyo koi mondapat'an borokat inyo somanah-manahnyo. Jadi, pondorita'an nantai lompukngmo dibandikan agatn borokat nantai inyo jouh lobih bosar doi' la'apo pan.

Yudas 1:21

Tuhatn kito, Yesus Kristus, paca'an monunju'an kasih sayang ko kito, ia'an Sio paca'an moonji'i kito kohidupan somanah-manahnyo. Kapikng kaitn monantian nantai, kaitn gola' totap hidup dalapm kasih Allah.