Lukas 16:7 - Porjanjian Boharu Torjomahan Baso Dilakng Soari-ari

⁷ Lopas nian io botakutn ko urakng inyo bukai, ‘Boropo banyaꞌ hutakng kolai?’ Urakng nantai monimbas, ‘Soribu karukng gandupm.’ Bendahara nantai bopandir, ‘Ni'in surat hutakng kolai. Tulis monjadi dolapatn ratus karukng jam.’

Lukas 16:7 ပူးပေါင်းရင်းမြစ်များ

Matius 18:28

Apo, hulutn nantai koluar lalu botomu agatn kawalnyo korojo inyo bohutakng ko io sobanya' upahnyo soratus ari korojo. Io monangkap huatan mongoci' kawalnyo nantai. Katonyo, ‘Bayar hutakng kolai!’

Lukas 16:6

Urakng nantai monimbas, ‘Soratus topaian minya' jaitun.’ Bendahara nantai bopandir, ‘Ni'in surat hutakng kolai. Cocopat dudu', pulahi isinyo. Tulis monjadi lima' puluh topaian ja'.’

Lukas 16:8

Lopas nian habakng nantai momuji bendahara inyo kinyo jujur nantai obai io cukup pandai, pakai' bodapat caro hidup lopas jadi ditongga'an.” Lalu Yesus monyimpulan. Kato-Nyo, “Boko urakng inyo jahat cukup pandai tohadap sosamonyo. Sia' lobih pandai daripado boko urakng inyo hidup dalapm torakng.

Lukas 20:12

Apo, umputn kobutn nantai totap moutus siku' hulutn inyo kotigo ko sia'. Sia' moluko'i io lobih borat agi', lalu mombuakan io koluar kobutn nantai.

Lukas 20:9

Lalu Yesus mongajar boko urakng di tongahlamanan Rumah Allah nantai agatn poumpamoan ni'in, “Ado siku' urakng inyo mombuka' lahatn pakai' bokobutn anggur. Io monyewaan kobutn nantai ko boboropo potani, lalu botula' ko nogori bukai dalapm watu inyo kotakng manah.