Lukas 16:3 - Porjanjian Boharu Torjomahan Baso Dilakng Soari-ari

³ Lalu, bendahara nantai koluar bopikir dalapm hati, ‘Akai! Aku tajahan ditongga'an. La'apo pogota'an ku nononyo. Monjadi tukakng cangkul, culihku obai aku co mampu. Monjadi urakng hala mominto, cuku-macal.’

Lukas 16:3 ပူးပေါင်းရင်းမြစ်များ

Matius 20:8

Watu huntu malapm, io bopandir ko kopala' pokorojonyo, ‘Tingkaubo somuo boko urakng inyo bokorojo ko aku sari nintai. Bayarcam upah sia' siku'-monyiku', mula'i doi' sia' inyo dudi datakng sampai agatn sia' inyo doholu datakng.’

Markus 10:46

Lalu tuntukam Yesus ongko boko murid-Nyo di kota Yerikho. Watu Yesus ongko boko murid-Nyo huatan urakng banya' koluar doi' kota nantai, ado urakng buto di sisi jalatn tongahan mominto-minto. Damonyo Bartimeus, ana' Timeus.

Lukas 12:17

Io botakutn dalapm hatinyo, ‘La'apo inyo gola' aku pulah? Aku conyiant tompat inyo cukup bosar pakai' monyimpatn hasil lakauku inyo banyaꞌ ni'in.’

Lukas 16:2

Jadi urakng dampu nantai moningkau bendahara nantai. Katonyo, ‘Aku udah mondinga' borito inyo jahat mongona'i pokoroja'an kolai! Kolai paca'an ku tongga'an ongko kolai gola' moonji'i laporan ahir mongonaꞌi kodampuanku inyo kolai urus.’

Lukas 16:20

Di lawakng pagar rumahnyo, ado urakng jaro inyo monggarikng di santai. Damonyo Lazarus. Banya' bondar kurikng-kodal di soluruh bukakng-tubuhnyo.

Lukas 16:22

Koponsuahannyo Lazarus matiam. Boko molekat mombaba'nyo ko sorugo dudu' di sopia' Abrahapm, tompat inyo tohormat. Urakng dampu nantai pan mati jam ongko dipasar.

Lukas 16:4

‘Nah, aku ado akal! Aku paca'an bulah ado aja', oca' boko urakng paca'an monorima' aku dalapm rumah huatan monulukngku watu aku ditongga'an nononyo.’

Lukas 18:4

Cukup manah hakipm nantai monula' pongaduan botina' balu nantai. Apo koponsuahannyo io bopikir, ‘Aku co ku gola' agatn Allah, aku pan co tonturian agatn urakng bukai.

Yohanes 9:8

Apo ado boko totangganyo huatan boko urakng inyo udah mongonal io inyo hala mominto-minto, sia' bopandir, “Bukainyo io ni'in urakngnyo inyo hala dudu' minto-mintokomai?”

Kisah Boko Rasul 3:2

Sia' duo sampai ko lawakng tembok Rumah Allah bodamo “Gerbakng Kotakng Boi'”. Watu sia' duo honda' mansu', di santai ado urakng inyo kakinyo lumpuh tangga'i io lahir. Sotiap ari io dibaba' ko pintu gerbakng nantai pakai' mominto-minto ko boko urakng inyo koluar mansu' tongahlamanan Rumah Allah.

Kisah Boko Rasul 9:6

Ni'inan bodiritncam. Mansu' ko kota nantai. Di su'utn paca'an ado urakng inyo momadahan la'apo inyo gola' kolai labuhan.”

2 Tesalonika 3:11

Koi mongatoan somuo ni'in obai koi mondinga' ado urakng pocayo inyo pocalan. Sia' co honda' bogota'-bokorojo. Sia' bayo sibuk sonjumpat'an urusan urakng bukai.