Lukas 16:22 - Porjanjian Boharu Torjomahan Baso Dilakng Soari-ari

²² Koponsuahannyo Lazarus matiam. Boko molekat mombaba'nyo ko sorugo dudu' di sopia' Abrahapm, tompat inyo tohormat. Urakng dampu nantai pan mati jam ongko dipasar.

Lukas 16:22 ပူးပေါင်းရင်းမြစ်များ

Matius 18:10

Ingantcam, jangan mohayam salah siku' doi' boko urakng kocit ni'in. Obai, dinga'anbo ni'in: Ado boko molekat di sorugo inyo monjago'i sia'. Boko molekat nantai hala ado di hadapan Bopai-Ku di sorugo. [

Matius 24:31

Sio paca'an moutus boko molekat-Nyo agatn bunyi trompet inyo kotakng borakng. Boko molekat nantai paca'an mongumpulan boko urakng inyo dipilih Allah doi' hujukng timur sampai ko hujukng barat, huatan doi' hujukng utara sampai ko hujukng solatatn.”

Matius 8:11

Dinga'anbo ni'in: Banya' urakng inyo bukainyo urakng Israel paca'an datakng doi' somuo ponjuru dunia. Sia' paca'an dudu' makatn bosamo agatn Abrahapm, Ishak ongko Yakub di dalapm Koraja'an Sorugo.

Markus 8:36

Soandainyo ado urakng inyo ulih mondapat'an somuo la'apo pan di dunia ni'in, apo kosihnyo siku' hilakng. Sobondarnyo kinyo ado gunonyo.

Lukas 12:20

Apo Allah bopandir ko urakng dampu nantai, ‘Budu bondar kolai ni'in! Malapm ni'in jam kolai paca'an mati. Sampai, somuo kongkamant inyo kolai kumpulan pakai' diri kolai siku', kinyo pakai' kolai, apo urakng bukai inyo paca'an mondapat'an somuonyo.’ ”

Lukas 16:21

Sampai boko kudu' inyo bokoliaran di santai datakng monggilati boko kurikngnyo. Lazarus honda' bondar bopua' doi' boko sisa' pomakatn inyo dibuakan lopas urakng dampu nantai jadi makatn.

Yohanes 1:18

Co nyiant ado siku' urakng pan inyo kalo moniant Allah, kocuali Yesus, Ana' Tunggal-Nyo. Sio inyo ado hubukan kotakng dampikng agatn Allah Bopai. Sio inyo monyatoan Allah ko kito.

Yohanes 13:23

Siku' murid inyo kotakng dikasihi Yesus, io dudu' dampikng Yesus.

Yohanes 21:20

Pas Petrus mongilikng ko bolikat, io moniant ado murid inyo bukai tuyut sia'. Murid nantaiam murid inyo kotakan kokidah Yesus. (Timpu sia' makatn bosamo komai, murid-Nyo nantaiam murid inyo dudu' dampikng Yesus lalu botakutn, “Tuhatn, sopo kironyo inyo paca'an monyorahan Duatn ko musuh?”).

Ibrani 1:14

Apo boko molekat ia'an boko roh inyo molayati Allah. Sia' diutus pakai' monulukng boko urakng inyo tajahan monorima' kosolamant'an.

Ibrani 2:14

Yesus monyobut'an boko urakng inyo pocayo ko Sio sobagai poana'an. Sia' ado bukakng-tubuh monsio inyo ulih mati, jadi Yesus monjadi monsio huatan moalapi koadaan samo sama'an sia'. Sio molabuhan nantai oca' watu Sio mati, Sio ulih mohancuran Rajo Sitatn. Rajo Sitatn bokuaso mombulah monsio mati.

Yakobus 1:11

Pas matoari mongkitn tinggi di langit, podi'nyo bulah padakng rumput monjadi layu. Boko kombakng luruh. Kinyo boi' agi'. Ubo nian jam inyo paca'an tojadi ko urakng dampu. Io paca'an mati watu io tongahan camuh agatn usahanyo.

1 Petrus 2:24

Kristus siku' pan udah monanggukng hukupan dosa kito watu Sio mati di kayu salib. Sio molabuhan nantai oca' kito jangan bulah dosa agi', oca' kito dapat hidup agatn caro inyo bondar di hadapan Allah. Obai boko luko Kristus, kaitn monjadi nyamanam.

Wahyu 14:13

Lalu aku mondinga' saro doi' sorugo bopandir ko aku. Katonyo, “Tuliscam pomandiran ni'in: Mula'i watu ni'in, diborokatiam boko urakng inyo mati dalapm koadaan sotia pocayo ko Tuhatn Yesus.” Roh Allah pan sotuju. Kato-Nyo, “Au, bondar nantai. Sia' mati oca' sia' ulih torahat doi' jorih-uyuh pokoroja'an sia'. Sia' diborokati obai somuo porbuatan boi' sia' mombulah sia' cucu' mondapat'an upah di sorugo.”