Lukas 16:2 - Porjanjian Boharu Torjomahan Baso Dilakng Soari-ari

² Jadi urakng dampu nantai moningkau bendahara nantai. Katonyo, ‘Aku udah mondinga' borito inyo jahat mongona'i pokoroja'an kolai! Kolai paca'an ku tongga'an ongko kolai gola' moonji'i laporan ahir mongonaꞌi kodampuanku inyo kolai urus.’

Lukas 16:2 ပူးပေါင်းရင်းမြစ်များ

Matius 12:36

Jadi, dinga'anbo ni'in: Timpu Ari Ponghakipan Allah nononyo, sotiap urakng gola' botanggukng jawab agatn sotiap pomandiran inyo kalo dipandirannyo agatn sombarakan.

Matius 20:8

Watu huntu malapm, io bopandir ko kopala' pokorojonyo, ‘Tingkaubo somuo boko urakng inyo bokorojo ko aku sari nintai. Bayarcam upah sia' siku'-monyiku', mula'i doi' sia' inyo dudi datakng sampai agatn sia' inyo doholu datakng.’

Lukas 12:20

Apo Allah bopandir ko urakng dampu nantai, ‘Budu bondar kolai ni'in! Malapm ni'in jam kolai paca'an mati. Sampai, somuo kongkamant inyo kolai kumpulan pakai' diri kolai siku', kinyo pakai' kolai, apo urakng bukai inyo paca'an mondapat'an somuonyo.’ ”

Lukas 12:42

Yesus monimbas, “Pongajaran-Ku nantai pakai' sotiap urakng inyo pintar corodi' ongko sotia agatn Aku. Io samo ubo hulutn inyo sotia ongko pintar-corodi'. Habakngnyo moangkatnyo monjadi kopala' boko hulutn bukainyo. Habakngnyo moonji'i tanggukng-jawab ko io pakai' moonji'i pomakatn ko boko hulutn bukainyo pas watunyo.

Lukas 16:1

Yesus mongajar boko murid-Nyo agatn poumpamoan ni'in, “Ado siku' urakng bendahara inyo mourus kodampuan siku' urakng dampu. Bendahara nantai dituduh urakng bukai. Sia' bopandir ko urakng dampu nantai obai bendahara nantai bolobu'i kodampuannyo.

Lukas 16:3

Lalu, bendahara nantai koluar bopikir dalapm hati, ‘Akai! Aku tajahan ditongga'an. La'apo pogota'an ku nononyo. Monjadi tukakng cangkul, culihku obai aku co mampu. Monjadi urakng hala mominto, cuku-macal.’

Roma 14:12

Jadi, sotiap kito gola' mompotanggukng-jawaban somuo porbuatan kito ko Allah.

1 Korintus 1:11

Boko somadikanku, aku bopandir ubo nian obai ado boko urakng doi' koluarga Kloe inyo momadahan ko aku mongona'i kaitn. Sia' momadahan obai kaitn hala botikakng.

1 Korintus 4:2

Tugas utamo doi' polayatn Tuhatn ia'an sio gola' ulih dipocayo

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

2 Korintus 5:10

Obai, nononyo kito somuo gola' mohadap tahta Kristus pakai' diadili. Sotiap urakng tajahan monorima' balasan sotimpal agatn porbuatannyo di dunia ni'in, ia'an porbuatannyo inyo boi' damo inyo jahat.

1 Timotius 4:14

Ingantcam pado watu boko ponotua' molota'an jarinyo ko kopala' kolai. Pado watu nantai, ado inyo monyampaian posatn doi' Allah. Allah moonji'i komampuan husus ko kolai. Jangan botongga' monggunoan komampuan husus nantai.

1 Petrus 4:10

Allah udah monunju'an koboi'an-Nyo ko kaitn agatn moonji'i somuo kaitn komampuan husus inyo bobeda-beda. Jadi, gunoancam komampuan husus doi' Allah nantai agatn caro inyo boi', ia'an kaitn gola' monggunoan komampuan husus doi' Allah nantai oca' hala molayati urakng pocayo inyo bukai.

1 Petrus 4:5

Apo sia' tajahan dihakipi. Sia' gola' moaku'i somuo dosa sia' ko Sio inyo mohakipi urakng inyo hidup ongko urakng inyo mati.

Wahyu 20:12

Aku moniant boko urakng mati bodiritn di pohadapan tahta nantai, ia'an boko urakng inyo pontikng ongko inyo kinyo pontikng. Boko buku dibuka' ongko buku inyo bukai, ia'an Buku Kohidupan pan dibuka'. Somuo urakng mati nantai dihakipi sosuai agatn tulisan inyo ado di dalapm boko buku nantai, ia'an somuo porbuatan sia' siku'-monyiku'.